Vociaru di Nunziola
From Wikipedia
U Vociaru di Nunziola (o Voceru di Nunziola) hè un vociaru di Corsica. Issu vòciaru hè urighjinariu di u Pumonti. Hè statu publicatu in i Canti populari corsi dui Salvatore Viale (1855). Canta Nunziola dopu à a morti di u so maritu, chì si chjamava Petru Francescu.
[edit] U vociaru
- O lu mè Petru Francescu
- Capu di li me ruvini !
- Voi erati lu me fiori
- La me rosa senza spini ;
- Erati lu me gagliardu
- Da li monti à li marini.
- È v'avvingu incù li pedi
- È v'allisciu incù li mani.
- Erati lu me maritu
- Erati lu me spirà ni.
- O lu mè Petru Francescu
- Principiu di li me mali!
- La me navi in altu mari
- Quilla chì stà per sbarcà ni;
- Ma ni veni la burrasca
- È nun pò portu piglià ni ;
- Cù li so belli tisori
- Si ni và à naufragà ni.
- Lu me cipressu frundutu
- La me uva muscatella
- La me pasta inzuccherata
- La me manna dolci è bella.
- Oh li me colpi fatali
- È di Grisciò la me stella !
- Erati la me colonna
- Erati lu me puntellu:
- Erati la me grandezza;
- Erati lu me fratellu !
- La me perla orientali
- Lu me tisoru più bellu !
- Lu me aranciu culuritu
- Oh lu me raru decoru
- Lu me bichjeri d'arghjentu
- Ripiumatu tuttu in oru
- Lu me piattu signurili
- Ma colmu di lu me dolu.
- Lu me oliu distillatu
- Lu me spiritu di vinu
- Lu me faccidillicatu
- Mischiatu di latti è vinu
- Lu me vetru rilucenti
- Lu me spechju di cuntinu !
- Prima chì lu vostri nomi
- Mi voglia dimenticà ni
- Vogliu chì li me dui ochji
- Tornini dui funtani:
- Eo lu me Petru Francescu
- Sempre lu vogliu chjamà ni.
- Forsi allora lu mè cori
- Di dolu si criparia
- È la me alma mischina
- Incù voi si n'anderia
- Ed à quistu mondu è à quillu
- Cuntenta si ne staria !
- Oh la me scatula d'oru
- Piena à tabaccu muscatu
- Oh lu me vistitu finu
- Tuttu in oru riccamatu :
- Erati la me grandezza
- Quillu chì mi stava à latu.:
- La me arma viulenti
- La me spada sopraffina
- Oh li me tristi talenti
- La me ultima ruvina !
- Vò pariati à li me ochji
- Una vela à la marina.
- M'era attacata à li voti
- Par francà vi da la morti ;
- Ma lu me Petru Francescu
- Eo nun ci aghju avutu sorti.
- Lu mè grandi di curaghju
- Rispettu di li mè torti !
- La me medicina rara
- Lu me incensu tuttu odori !
- Oh li me danni fatali
- Ma fatti da lu Signori !
- Oh li me piaghi murtali
- Ch'è mi strappanu u mè cori !
- Oh lu me ghjallu pumposu
- Lu mè fasgianu più bellu
- Oh lu me presu à li voti
- Oh lu me distintu uccellu
- Nun m'ascunderaghju più
- Sottu à lu vostru bavellu.
- Oh lu me Petru Francescu
- Prigà vogliu lu Signori
- Ch'è vò siati ricevutu
- In Paradisu, u me fiori.
- Quista hè l'unica spiranza
- Chì cunsola lu me cori.
