Кивĕ Катек
Wikipediaри материал
Кивĕ Катек, — Чăваш Енĕн Патăръел районĕнчи ял. 1927 çулчен Катек ятлă пулнă. Ялта 670 çын пурăнать. Патăрьелтен 7 çухрăмра вырнаçнă.
Ялта пуçламăш шкул, культура çурчĕ, фельдшер пункчĕ, вулавăш пур. Кунтах Крепков ячĕпе хисепленекен ял хуçалăх фирми вырнаçнă.
[тӳрлет] Истори
Халăх шутланă тăрăх ку яла XVII ĕмĕрте туса хунă. Ял 400 çул патнелле ларать теççĕ. Яла халĕ Çĕрпӳ районне кĕрекен Тупнер (вăл çав вăхăтра Катек ятлă пулнă) ялĕнчен куçса килекенсем йĕркеленĕ, яла хăйсен куçса кайнă ял ячĕ пекех, Катек ят панă.
Кивĕ Катек каярахпа, темиçе кил-йыш ялтан уйрăлса кайса, çĕнĕ яла туса хунă хыççăн пулса тăнă. Куçса каякансене ертсе пыраканĕ Тĕрĕн пулнă, çавăнпа та вăл яла Тĕрĕньел ят панă.
1920 çулхи çурла уйăхĕн 3 Пăва уесне, ун хыççăн вара Çĕрпӳ уесне кĕнĕ. 1920 çулхи юпа уйăхĕн 1 хыççăн Çĕрпӳ уесĕн Йĕпреç районне кĕртнĕ. 1921 çулхи çĕртме уйăхĕн 22-пе 1927 çулчен Патăръел уесне кĕнĕ. Ку пĕтĕм вăхатра ял çак пайланăвсен Патăръел вулăсне кĕнĕ.
1927 çулхи юпа уйăхĕн 1 Мăн Патăръел районне кĕнĕ. 1935 çулхи çу уйăхĕн 19 хыççăн Патăръел районне, 1939 çулхи нарăс уйăхĕн 22 хыççăн Чкаловски районне, 1957 çулхи чӳк уйăхĕн 20 хыççăн хальхи вăхăт таран Патăръел районне кĕрет.
1868 çулта ялта 71 кил пулнă. 175 арçын, 195 хĕрарăм пурăннă. 1911 çулхи перепись тăрăх ялта 155 кил пулнă. 431 арçын, 450 хĕрарăм пулнă. 1911 çулхи перепись тăрăх хут çырма пĕлекен çынсен шучĕ 71 пулнă.
[тӳрлет] Паллă çыннисем
- Игнатьев Геннадий Сергеевич, çыравçă.
- Напёрсткина Пелагея Матвеевна, вĕрентекен.
- Владимиров Виталий Владимирович, вĕрентекен.
