Пăлапуç Нурăс
Wikipediaри материал
Пăлапуç Нурăс, — Чăваш Енĕн Патăръел районĕнчи ял.
Ялта культура çурчĕ, фельдшер пункчĕ пур.
[тӳрлет] Истори
Авалхи документсенче Пăлапуç тата Нурăс ялĕсене уйрăммăн асăннă. Пĕри Шупашкар уесĕн Ишлей вулăсне кĕнĕ, тепри — Çĕрпӳ уесне. XVII ĕмĕрĕн 60-мĕш çулсенче пуçласа ку ялсем Чĕмпĕр уесне кĕме пуçланă.
XVIII-XIX ĕмĕрсенчи архив докуменчĕсенче ку ялсене асăнни çук.
Авал ял питĕ пысăк пулнă. Чĕмпĕр кĕпернийĕн астăвăм кĕнеки тăрăх 1868 çулта кунта 45 килте 136 арçын, 145 хĕрарăм пурăннă.
1920 çулхи утă уйăхĕн 31-мăшĕччен Пăва уесне, каярах Çĕрпӳ уесне кĕнĕ. 1920 çулхи юпа уйăхĕн 5 хыççăн Çĕрпӳ уесĕн Йĕпреç районне кĕртнĕ. 1921 çулхи çĕртме уйăхĕн 22-мĕшĕнчен пуçласа 1927-мĕш çулччен Патăръел уесне кĕнĕ. Ку пĕтĕм тапхăрта ял Мăрат вулăсне кĕнĕ.
1927 çулхи юпа уйăхĕн 1 Мăн Йĕпреç районне кĕнĕ. 1935 çулхи пуш уйăхĕн 1 хыççăн Турхан районне кĕнĕ. 1939 çулхи пуш уйăхĕн 7 хыççăн Первомайски районне кĕнĕ. 1959 çулхи утă уйăхĕн 14 хыççăн хальхи вăхăт таран Патăръел районне кĕрет.
