Pruvénzia ed Bulåggna
From Wikipedia
 |
Artéccol in dialètt bulgnais |  |
|---|---|---|
La pruvénzia ed Bulåggna l è una pruvénzia d'l Emégglia-Rumâgna ed pió ed 940 mella abitànt.
La cunfénna ed såura cun la pruvénzia ed Frèera, a maténna cun la pruvénzia ed Ravänna, ed såtta cun la Tuschèna (pruvénzia ed Fiuränza, pruvénzia ed Prè e pruvénzia ed Pistòja) e ed sîra cun la pruvénzia ed Môdna.
[edit] Geografî
La pruvénzia ed Bulåggna la cunprand l'Emégglia ed maténna ed såura cun la żonta ed sètt cmónni cäli én geograficamänt int'la Rumâgna: Båurg Tusgnàn, Casalfiumanais, Castèl ed Rî, Dåzza, Funtanalls, Iommla e Murdàn.
Al teritòri d'la pruvénzia al s estand såura tott int'la bâsa e int'äl culénn (la muntâgna la fà al 21,3% d'la pruvénzia, int l istàss tänp al valåur ed mèzz l è dal 25%).
I fiòmm chi travérsen al teritòri én al Raggn, al Sèvna, l Ides e al Santeren. I turént pió impurtant én al Samûza, al Satta, al Siller.
Int'al culénni as truven dåu crésst ch'al traversen al vâl pió impurtanti: al Cuntrafôrt pliocenico e la Vänna dal żass. Squèsi onnic int'al månd e bî da vadder én i calànc, dal furmazión culinèr ch'al piôv àn scavè.
[edit] Economî
I setûr d'l economî regiunèl èn: l'agricultûra (urtâg', furmänt - famåusa l è la patèta ed Bûdri), l arlîv (nénn e bû) e la céna e mêdia indósstria dî setûr mecânic, dal magnèr d'la zerâmica e d'l eletrònica.
