Catarine Percude
De Vichipedie, la enciclopedie libare dute in marilenghe.
Catarine Percude (San Lurinç di Soleschian (Manzan), Udin 1812 - San Lurinç, Udin 1887) e je stade une dai plui famôs scritôrs furlans.
Di famee nobil, tal 1844 e veve scomençât a scrivi sul gjornâl "Favilla" sei furlan sei par talian, prime dome cun critichis di altris oparis, daspò scrivint novelis. Lis sôs oparis plui cognossudis a son "L'anno della fame", "L'album della suocera", "Il bastone", "Il contrabbando", "Il Licôf", "La malata", "Il refrattario"; e je ancje autorie di vincj novelis racueltis tal volum "Scritti friulani". La sô maniere di contâ cjape un poc dal Manzoni (soredut intai principis morai) e intal stes timp e ven prin di Verga. Dopre un lengaç fresc e sut dal sô mont furlan. Secont un grum di critics leteraris dal dì di vuê, lis sôs contis sui contadins dal Friûl dal XIX secul a presentin descrizions ogjetivis e realistichis, che nus puedin fâ imagjinâ la vite di chei timps e che no si cjatin in tantis altris oparis di chel timp.
