Dialets venits dal Friûl
De Vichipedie, la enciclopedie libare dute in marilenghe.
In dute la Furlanie a si cjatin des zonis dulà che si fevelin dai dialets venits.
In provincie di Pordenon al confin cul Venit, ma ancje in zonis che no fasin part dal Friûl storic tant che Triest e Mugle, tai secui stâts si è bandonât il furlan par feveladis derivadis dal venit.
Intal Friûl i dialets venits si dividin in dialets autoctons, che a son storichementri presints in regjon di prime de fin dal stât patriarcjâl, e in dialets coloniâi puartâts de dominazion Veneziane.
[cambie] Dialets venits autoctons
I dialets venits autoctons a son il Maranês, il dialet di Grau e il Bisiac. Maran e Grau jessint sul mâr a son simpri stadis leadis a lis altris citâts de cueste adriatiche. Ducj e doi i dialets a son avonde diferents sei dal venit di tiere che dal venezian, il maranês al è une vore vîf, invezit il gradês al mostre cualchi segnâl di contaminazion dal triestin viodût probabilmentri come codiç linguistic plui prestigjôs.
Une vore carateristic al è ancje il bisiac che al à cjapât dentri une vore di peraulis furlanis. Il bisiac si fevele tes bandis di Sagrât, Foian, Pieris, Roncjis e Beglian. Tant che il gradês al è in pericul di assorbiment di bande dal triestin, che, al va dite, al è une vore vitâl.
[cambie] Dialets venits coloniâi .
Chei altris dialets venits dal Friûl a son clamâts dialets coloniâi o di imitazion e a si son pandûts durant la dominazion veneziane fra i sorestants des citadelis plui impuartantis. Dialets di chest tip si fevelin o si son fevelâts a Pordenon, a Udin, a Cividât, a Manià, a Spilimberc, a Tisane, a Palme e a Çarvignan.
|
|||
|
Lenghe furlane |
