Lune
De Vichipedie, la enciclopedie libare dute in marilenghe.
La Lune al é l'unic satelit naturâl de Tiere. Lune al é ancje il so non uficiâl, non che al ven doprât in sens gjeneric (e cu la minuscule, lune) par ducj i satelits naturâi che si cjatin in orbite atôr di altris planets.
Il so simbul astronomic e je une rapresentazion stilizade de sô fase cressint.
La muse de Lune che si cjate inte direzion opueste a chê de Tiere si clame muse lontane. A voltis a ven clamade muse oscure, espression che achì e ven intintude tant che alc di scognossût e platât; si riferìs ancje al blackout des comunicazions radio, che al sucêt cuant che une sonde spazial si môf daûr de muse lontane. Cheste interuzion des comunicazions e je causade de masse de Lune che a bloche i segnâi radio. Il tiermin muse oscure al ven spès mal interpretât tant che une mancjance di radiazions solârs, ma il Soreli al ilumine la muse lontane esatamentri come chê che a cjale viers di nô.
La plui grande part de muse lontane no pues jessi viodude de Tiere, parcè che la rotazion de Lune dulintôr de Tiere e la rotazion atôr atôr dal so as a àn il stes periodi. Une piçule part a pues jessi viodude in graziis de librazion, che a rint iregolâr il mot di rotazion de Lune.
La muse vicine de Lune e je cuvierte di plui o mancul 30.000 cratêrs (contant chei cuntun diametri di al mancul un chilometri). Il crater lunâr plui grant, e in efiets il plui grant cognossût dentri dal sisteme solâr, al ocupe dut el pôl sud dal nestri satelit. Chest cratêr si cjate su la muse lontane, al à un diametri di 2.240 chilometri, e al é font 13 chilometris.
| Sisteme solâr |
|---|
 |
| Soreli • Mercuri • Bielestele/Venere • Tiere • Mart • Jupiter • Saturni • Uran • Netun • Pluton |
| Lune • Cinturie di asteroids • Io • Europe • Ganimede • Calist • Titan • Triton • Cinturie di Kuiper • Nûl di Oort
Fobos • Deimos • Satelits di Jupiter • Satelits di Saturni • Satelits di Uran • Satelits di Netun • Caront |
