Nawaya a linaon
From Wikipedia
Ti nawaya wenno libre a linaon, wenno nawaya ken libre nga informasion, ket ti ania man a kita ti obra, obra iti arte, wenno sabali pay a kinamanagpartuat a laon, nga awanan iti legal a tubeng wenno sungsungbatan a nayetnag wenno nainaig a mangilapped iti wayawaya ti tattao a mangaramat, mangiwaras manen, mangpasayaat, ken mangibingay itoy a linaon. Kapatganna, no ti nawaya a linaon ket mabalbaliwan, manayonan, wenno maibinggas iti sabsabali pay nga obra, ti agresulta nga obra ket nasken a legal a mabalin a maiwaraswaras, a kas kawaya met laeng ti sigud wenno basbassit ti termino ti panangiget ngem ti sigud. Ti nawaya a linaon, addaan man presio wenno iti bassit laeng a bayad, ket nasken a silulukat a mabalin a mabalbaliwan no maipaaramat met laeng ti gagemna.
No ar-arigen, ti nawaya a linaon ket sakupenna amin nga obra a masao a tagikukua ti publiko (public domain) kasta met dagiti addaan karbengan iti panagtagikua wenno copyright nga obra a dagiti lisensiada ket padayawan ken patalgedanda dagiti wayawaya a nadakamat iti ngato. Agsipud ta ti linteg ket ik-ikkanna dagiti agig-iggem iti copyright iti kabukbukodan a panangkontrol kadagiti putar wenno partuatda, ti addaan copyright a linaon ket masapul a nalawag a maideklara kas nawaya ken/wenno libre, a gagangay a babaen iti panangdakamat wenno panangiraman kadagiti documento wenno deklarasion ti pananglisensia iti obra.
Ti maysa nga obra iti public domain ket saan a mabalin a lisensiaan agsipud ta ti copyright daytoy ket nagpason wenno naikkaten. Nupay kasta, ti nasao nga obra ket maibilang pay laeng a nawaya a linaon, ta ngarud mabalin nga aramaten iti ania man a panggep wenno pangaramatan.
[baliwan] Kitaen met
- Dagiti kadawyan
- Silulukat a linaon
- Tagikukua ti publiko
- Ramit a pangpubliko
- Nawaya nga ensiklopedia
- Wayawaya
- Nawaya a software
- Lukat a panagipablaak
- Free Software Foundation
- GNU
- GPL
- LGPL
- Open Source Initiative
