Karger

Ji Wîkîpediya

KARGER navê Komeleyeke kurdan e ku di serê sala 2007'an de hatiye girtin. Piştî ku serokê komeleyê îstifa kir, endamên komeleyê jî ji komeleyê vekişiyan û komele hate girtin. Li jêr agahiyên komeleyê hene.

Logo ya Karger

Karger Komeleya Lêkolîn û Pêşxistina Çand û Ziman. Navenda wê li Amedê ye. Piştî amadehiyên 4 mehan, di 19'ê Berfanbara 2005'an de bi awayekî fermî hate avakirin. KARGER li ser çend beşan hatiye avakirin.Kongreya xwe ya yekem di 08.08.2006'an de pêk aniye.

Xebatên Komputergerî
Xebatên Sînemagerî
Xebatên Şanogerî
Xebatên Muzîkê
Lêkolîn û Pêşxistina Ziman
Xelatên Salê

[biguherîne] Xebatên Komputergerî

... û gelek ziman winda bûn.

Pîvanên Kargerê di warê komputerê de wiha hatine rêzkirin:

Li dinyayê her mirov xwedî mafê bidestxistina nivîsbariya belaş e. Ew dikare belaş her bernameyê bi kar bîne. Dewlet di pêkanîna vî mafî de berpirsiyar in. Karger vî mafî ji bo hemû mirovan dixwaze.
Komele NIVÎSBARIYA AZAD a ku li bin banê GPLê tê pêşxistin, ji bo mirovahiyê gelekî nirxdar dibîne.
Karger mafê kesan ê îmtiyazî û telîfê ji bo nivîsbariyan diparêze.
Komele dixwaze ku her kes nivîsbariyên xwe bi kodên vekirî binivîse û yên ku bi kodên nepenî nivîsandine jî ji gelan re kodên xwe aşkere bikin.
Komele, nivîsbariyên ku bi armanca qezencê ciwan û mirovan bi ser tiştên xerab de dajon, ji bo civakan xetere dibîne û li hember wan têdikoşe.

Kurdîkirina Ubuntu

Kargerê beşeke giran a xebata xwe da ser kurdîkirina Ubuntu GNU/Linux. Bi vê armancê komeke endamên Kargerê li avahiya saziyê civiyan û ji meha pûşpera 2006'an û pê ve dest bi wergerandina wê kirin. Xebatên Kargerê projeya Linuksa Kurdî di navbera 2 mehan de bi qasî 2 salan pêşde bir.

Rastnivîsa Kurdî

Kargerê beşeke xwe jî daye ser bernameyên rastnivîsa kurdî. Li ser vê yekê rastnivis.org weşana fermî ya komeleyê ye û ji bo xebatên rastnivîsê hatiye vekirin. Bi riya vê projeyê dê bernameyek were amadekirin ku dema mirov li komputera xwe bar bike, kontrola rastnivîsa kurdî bixweber bike.

[biguherîne] Herêma Xebatê Ji Bo Komputergeriyê

Nivîsbariyên malpersaziyê.
Nivîsbariyên ferhengan.
Nivîsbariyên rastnivîsê.
Nivîsbariyên wergerê.
Nivîsbariyên gerokan.
Lîstik.
Grafîk.
Muzîk.
Peyama elektronîk.
Vîrus-kuj.
Pergalên Xebatê.
Office û hin wekî din.

Karger ji bo sala 2006'an jî yekemîn PÊŞBAZIYA NIVÎSBARIYÊ bi kurdî li dar dixe.

hemû bi zimanê we

Karger dixwaze CD'ya yekemîn bi bernameyên kurdî amade bike.

[biguherîne] Xebatên Sînemagerî

Karger ji bo sînemaya kurdî bi pêş bixe, dê di sala 2006'an de bi PÊŞBAZIYA SENORYOYÊ dest bi xebata xwe bike. Di vê pêşbaziyê de senaryo bi çi zimanî werin şandin jî, heke werin hilbijartin, dê li kurdî werin wergerandin û fîlm bi kurdî were girtin. Xebatên sînemageriyê li ser du xalan hatine rûniştandin:

Rêzefîlm
Fîlmên ku bi xezîneyeke mezin werin girtin.

[biguherîne] Kongreya Yekem

Kongreya yekem a Kargerê di 8'ê gelawêjê de li Amedê pêk hat. Di kongreya yekem de rêz û rêçikên komeleyê, bernameya sala 2006'an, xebatên hatine kirin û yên dê bên kirin hatin nîqaşkirin. Di kongreyê de Lijneya Rêveberiyê, Lijneya Kargeriyê û Lijneya Saxtîkirinê hatin hilbijartin. Ji bo rêveberiya komeleyê Rêzan Tovjîn, Rizoyê Xerzî, Yılmaz Dünen (Farqîn), Roşen Arî, Mehmet Sait Alpaslan, Felat Jiyan û Bedirxan Amed hatin hilbijartin.