Bodegraven

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

Ligking vaan Bodegraven in Zuid-Holland

Bodegraven is 'n plaots en gemeinte in de Nederlandse provincie Zuid-Holland, tege de grens mèt Utrei aon, tössen Alphen aan den Rijn en Woerden, aon de Aw Rien. 't Aontal inwoeners bedräög per 1 januari 2006 19.353 en de gemeinte besleit 'n oppervlak vaan 38,50 km² (daovaan 1,02 km² water). Neve de plaots Bodegraven ligke ouch 't dörp Nieuwerbrug en de naobersjap De Meije binne de grenze vaan de gemeinte.

[bewirk] Functies

Bodegraven is allewijl veural 'n forenzegemeinte, gelege in 't Greun Hart, boe väöl relatief rieke lui werkend in beväörbild Leie woene. In 't verleie, en ouch noe nog wel, waor 't mèt naober Gouda e veurnaom cintrum veur de kieshandel. Ouch ligk de weeg vaan zeipwaorefebrik Andrélon in dees plaots (inmiddels verplaots).

Bodegraven heet 'n statie aon de spoorlien vaan Utrei nao Leie.

[bewirk] Bezeensweerdeghede

Bodegraven had vreuger gein steidelik karakter en heet daodoor relatief weineg aw monuminte. Intersant is de neo-gotische katholieke Willibrordskèrk oet 1865, oontworpe door de Limburgsen arsjitek Pierre Cuypers, aon de zuidkant vaan de Aw Rien. De protestante Galluskèrk ligk aon de noordkant vaan de Rien in de aw döpskern. Boete 't aajd dörp ligke de meule De Arkduif oet 1697 en 't zeventiende-iews fort Wierickerschans.