Nieuwerkerk aan den IJssel
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Nieuwerkerk aan den IJssel is 'n plaots en 'n gemeinte in de Nederlandse provincie Zuid-Holland, aon de reveer de Hollandsen Iesel, t'n ooste vaan Rotterdam en deil vaan de agglomeratie Rotterdam. 't Is praktisch (op 'ne stroek vaan ei weiland breid nao) aoneingegreujd mèt Capelle aan den IJssel. De bevolking bedroog op 1 januari 2006 22.147 lui; 't oppervlak vaan de gemeinte is 18,47 km2 (daovaan 1,20 km2 water). Binne de gemeintegrenze ligke gein echte ander kerne, allein de naobersjappe Kortenoord en Hitland.
E groet deil vaan de gemeintegroond weurt besloge door de Zuidplaspolder; in deze polder ligk ouch 't liegste punt vaan Nederland: 6,76 meter oonder zieniveau. Bij 't hoegste punt vaan Nederland, op de Volsjerberg, steit e sjèldsje mèt 'n verwiezing daonao; evezoe steit bij dit punt ouch 'n verwiezing nao Vols.
[bewirk] Historie
Nieuwerker weurt veur 't iers geneump in 1282, es graof Floris V vaan Holland aon hier Traveys vaan Moordrecht 't gebeed tösse Gouda en Kralingen (noe 'n wiek vaan Rotterdam) in lein gief. Laanks de Gravenweg (de "weg naar Kralingen"?) waor de ierste bebouwing gevesteg. Väöl awwer kin de plaots neet zien, umtot Ouwerkerk aan den IJssel (gemeinte Ouwerkerk) toen al bestoon moot höbbe.
't Dörp laog laank tösse versjèllende groete veenplasse, die in de negentiende iew woorte droeggelag es de Zuidplaspolder en de Prins Alexanderpolder (allewijl gooddeils Capels en Rotterdams groondgebeed). In 1855 kaom de spoerweeg vaan Rotterdam nao Gouda veerdeg, boe Nieuwerkerk 'n statie aon kreeg; later woort die lien tot in Utrei doorgetrokke. Heidoor woort Nieuwerkerk interessant veur forenze, alleriers veur de allerveurnaomste, oetindelik nao d'n Twiede Wereldoorlog leit dit tot 'n explosieve greuj vaan 't dörp tot 't d'n umvaank vaan 'n stad krijg.
