Krimpen aan den IJssel

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

Ligking vaan Krimpen aan den IJssel in Zuid-Holland

Krimpen aan den IJssel is 'n plaots en gemeinte in de Nederlandse provincie Zuid-Holland, in 't noordweste vaan de Krimpenerweerd, mèt 'n oppervlak vaan 8,93 km² (daovaan 1,10 km² water) en (1 januari 2006) 28.800 inwoeners.

[bewirk] Historie

Krimpen aan den IJssel vörmde in 't verleie mèt Krimpen aan de Lek (gemeinte Nederlek) 'n einheid es gehöch verspreid euver e relatief groet gebeed. De plaots Krimpen weurt veur 't iers geneump in 1277. Allewel tot 't de groetste plaots vaan de Krimpenerweerd waor blaof 't langen tied nogal lendelik vaan karakter. De koms vaan e steinfebrik en 'ne sjeepswerf brach hei e bitteke verandering in. Evels waor de weerd (e bediek eiland tösse revere in) neet anders es mèt e puntsje te bereike.

Bij de Watersnoedramp vaan 1953 sjeelde 't weineg of de dieke bij d'n Hollandsen Iesel braoke door. Um dees reje woort tösse Krimpen en Capelle aan den IJssel 'n störmvloodkiering gebojd, die in 1958 es ierste vaan de Deltawerke veerdeg kaom. Dees kiering waor ouch 'n brögk, zoetot Krimpen 'n rechstreekse verkeersverbinding kraog mèt o.m. Rotterdam. Sinsdeen is de plaots sterk gegreujd tot 'n Rotterdamse veurstad; allewijl is de gemeinte bekaans touwgebojd.