Sjina (nationalistisch)

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

Nationalistisch Sjina


Officieel taol	Sjinees
Hoofstad	Taipei
Staotsvörm	Rippebliek
Staotshoof	Chen Shui-bian (sins 2000)
premier	Frank Hsieh
Groondgebeed % water	35.980 km² 2,8%
Inwuners	22,9 miljoen
Munt	Taiwanesen dollar (TWN)
Tiedzaone	UTC +8
Nationale fiesdaag	10 oktober
Volkshymne	San Min Chu-i
Landcode	TWN
TLD	.tw
Tillefoon	+886

Nationalistisch Sjina is dat deil vaan 't aajd Sjina wat oonder control steit vaan de neet-communistisch, "nationalistische" regering. Allewel tot bei regeringe gans Sjina claime bezit de nationalistische regering sins 1949 allein 't eiland Taiwan en e paar eilendsjes veur de Sjinese kös. Hoofstad vaan 't land is Taipei, ander groete stei zien Taichung, Tainan en Kaohsiung. Taiwan weurt vaan 't Sjinees vasteland gesjeie door de Straot vaan Taiwan en ligk in 't oeste aon de Filipijnse Zie.

[bewirk] Administratief indeiling

De stei Taipei en Kaohsiung valle boete de indeiling in provincies. Daoneve gif 't de provincies Taiwan en Fukien, boe 't land allein mer e paar eilendsjes vaan bezit. De provincie Taiwan is weer in zestien districte en vief provinciaal besteurde stei verdeild. Fukien heet twie distrikte.

[bewirk] Demografie

zuug ouch Taiwan

De bevolking vaan Taiwan besteit veural oet Han-Sjineze, 'n etnische groop die ziech veural aofsjeit door hun taol, ('t Min-Nan). Ouch gif 't sprekers vana 't Hakka. De officieel taol is nog wel 't Mandarien. Wijers kint 't land väöl inwiekelinge die in 1949 mèt de nationalistische legers mètgevlöch zien. De oorspruninkelike bewuners vaan Taiwan zien evels neet Sinitisch meh Austronesisch: die leve mèt 440.000 lui in 't binneland.

De meiste bewuners zien taoïstisch of boeddhistisch.

[bewirk] Historie

zuug ouch 't artikel euver Taiwan

Nao de val vaan de Sjinese keizer in 1911 woort 't jaor dao-op de Sjinese Rippebliek gestiech. De leidende partij waor de Kow Min Tang, leismaan waor Tsjang Kai-tsjek. In de jaore daarteg kaom de communistische partij oonder Mao Zedong op, en braok 'ne börgeroorlog oet. 't Lökde de nationaliste de communiste trök te dringe in de berg, meh neet veur ze definitief te versloon.

Oondertösse hadde aon de kös nog väöl Europese len consessies in de kösstreike; wie ouch Japan. Tege 't oetbreke vaan d'n Twiede Wereldoorlog veel Japan Sjina weer aon; noe gaove de Europese len hun consessies op en woort de strijd tege de communiste gestaak, allemaol in deens vaan de stried tege de Japanners. In d'n oorlog evels versterkde de communiste hun positie mier en mie. Daodoor kóste ze nao d'n oorlog vaanaof 1945 de strijd weer nui beginne tege de nationaliste; die binne veer jaor nao Taiwan trökgedreve woorte. Sinsdeen blaof de Kwo Min Tang viefteg jaor dao aon de mach, ouch nao de inveuring vaan de democratie, mèt es ideaal 'n hereineg Sjina oonder nationalistische vlag. In 2000 won de oppositie veur 't iers de verkezinge. Dees partij, meender geriech op hereineging, deeg kortstundeg aofstaand vaan de claims op gans Sjina, me naom ze gaw weer op. Taiwan controleert nog altied de Straot vaan Taiwan, woe de Sjinese vloot niks te zègke heet.

Len in Azië
Afganistan \| Armenië² \| Azerbaidzjan¹ \| Bahrein \| Bangladesj \| Bhoetaan \| Börma \| Broenai \| Cambodja \| Cyprus² \| Filipiene \| Georgië² \| India \| Indonesië \| Iraan \| Irak \| Israël \| Japan \| Jeme \| Jordanië \| Katar \| Kazachstan \| Kirgizië \| Koeweit \| Laos \| Libanon \| Maledive \| Maleisië \| Mongolië \| Nepal \| Noord-Korea \| Oesbekistan \| Omaan \| Oos-Timor \| Pakistan \| Palestiense Staot \| Papoea Nuuj-Guinea \| Rösland¹ \| Saoedi-Arabië \| Singapore \| Sjina³ \| Sri Lanka \| Syrië \| Tadzjikistan \| Thailand \| Törkieë \| Turkmenistan \| Vereinegde Arabische Emirate \| Viëtnam \| Zuud-Korea
Aafhenkelike gebejer: Akrotiri en Dhekelia² \| Gazastrook \| Hong Kong \| Makau \| Westelike Jordaanover
Status betwis: Palestiense Staot \| Sjina (nationalistisch) \| Sjina (volksrippebliek) \| Törks Cyprus
1. Dit land ligk gedeiltelik in Europa. 2. Dit land ligk geografisch in Azië, meh weurt óm cultureel en historische raejes bie Europa ingedeild. 3. Sins 1949 oonder twie regeringe verdeild.