Говь-Алтай
Wikipedia-с
1931 онд байгуулагдсан. 141442 ам.дөр.км нутагтай. 62.8 мянган хүн амтай. Аймгийн төв Алтай хот нь Улаанбаатараас 1001 км зайтай газарт д.т.д. 2181 м өндөрт 51 ам.дөр.км талбай эзлэн оршино. Алтай хот нь бусад аймгийн төв, хотуудаас хамгийн өндөрт оршдог бөгөөд 20 мянган хүнтэй. Говь-Алтай аймаг нь манай орны баруун өмнөд хэсэгт орших бөгөөд нутгийн дундуур нь Монгол Аптайн нуруу баруун хойноос зүүн урагшаа чиглэлтэйгээр нэвтлэн өнгөрнө. Сутай, Бурхан Буудай, Алагхайрхан, Ажбогд, Гичгэнэ зэрэг өндөр уулууд оршино. Мөн Шарга, Бигэр, Хүйс зэрэг томоохон хотгоруудад нь кайнозойн хурдас тархсан бөгөөд уупархаг нь кембрийн ба кембрийн өмнөх суурь чулуулагтай юм, Чулуун нуүрс (Зээгт), үнэт чулуу (Аптан худаг), барилгын материал зэрэг ашигт малтмал Бий. Алтай хотод агаарын дундаж температур нь жилд -1.6°, 1-р сард 18.9°хүйтэн, 7-р сард 14° байдаг. Энд хамгийн их хуйтэрсэн нь - 42.1°, хамгийн дулаан нь +29.7° болж байжээ. Жилдээ дунджаар 176.9 мм тунадас унана. Агаарын даралт 1-р сард 852 гПа, 7-р сард 844 гПа байдаг. Жилийн салхины дундаж хурд 3,3 м/с бөгөөд хамгийн их салхитай 5-р сарын дундаж нь 4.4 м/с хүрнэ. Аймгийн нутгийн хойд захаар Завхан гол урсах бөгөөд Зүйл, Сагсай зэрэг адагтаа ширгэдэг гог горхи бий, Мөн Ихэс, Шарга, Тонхил зэрэг нуурууд бий. Хөнхөр зуслан, Упаанхайрхан, Аргалант зэрэг рашаан ус бий. Алтайн өвөр хэсгээр цөлийн бор саарал, хөрс, ууландаа уулын нугын ба уулын хүрэн хөрстэй, нутгийн хойд хэсгээр хүрэн хөрстэй, Алтайн өврөөр говийн ургамалтай, ууландаа уулын хээр, хойд хэсгээрээ хээрийн ургамал тархжээ. Аймгийн нутагт дэлхийд нэн ховордсон бөхөн, хулан, хавтгай бопон бусад олон төрлийн амьтад амьдардаг байна, Аймгийн хэмжээгээр 2 сая гаруй малтай бөгөөд малын олонхи нь хонь, ямаа юм. Газар тариалан бараг хөгжөөгүй газар болно. Говь-Алтай аймагт Хятад улс руу гарах Бургастайн хилийн боомт Алтай суманд бий.
[Өөрчлөх] Сумд
- Алтай
- Баян-Уул
- Бигэр
- Бугат
- Дарви
- Дэлгэр/Гуулин/
- Жаргалан
- Тайшир
- Тонхил
- Төгрөг
- Халиун
- Хөхморьт
- Цогт/Баянтоорой/
- Цээл
- Чандмань/Зээгт/
- Шарга
- Эрдэнэ
| Монгол улсын Аймгууд |  |
|---|---|
| Архангай | Баян-Өлгий | Баянхонгор | Булган | Говь-Алтай | Говьсүмбэр | Дархан-Уул | Дорноговь | Дорнод | Дундговь | Завхан | Орхон | Өвөрхангай | Өмнөговь | Сүхбаатар | Сэлэнгэ | Төв | Увс | Ховд | Хөвсгөл | Хэнтий | |
| Нийслэл хот: Улаанбаатар | |
