Lingua ulannisa
Di Wikipedia, l'enciclopedìa lìbbira.
La lingua ulannisa (o het nederlands pi ulannisi) è la lingua chi si parra nta l'Ulanda e parti dû Belgiu, spiciarmenti ntô nord. Cci sunnu armenu 25 miliuna di parranti. S'attròvanu autri cumunitati nichi pi l'autri parti dû munnu chi pàrranu l'ulannisi, p'asempiu, ntê Stati Uniti, ntô Surinami e in Australia. È na lingua girmànica chi pi tanti rispetti s'assumigghia la lingua tudisca e la lingua nglisi. Nfatti, doppu la lingua frisuni, l'ulannisi è la lingua ca s'abbicina di cchiù ô nglisi. Nutati st'asempî:
- Ulannisi - Nglisi - Sicilianu:
- Ik wil een appel eten - I want to eat an apple - Vogghiu manciari nu pumu.
- Hij zal morgen thuis komen - He shall come home tomorrow - Iddu veni a casa dumani.
- Zij kan niet slapen - She cannot sleep - Idda nun si pò durmiri.
- Mijn hand is aan het einde van mijn arm - My hand is at the end of my arm - La mè manu s'attrova â fini dû mè vrazzu.
L'Afrikaans è na lingua chi si parra nta l'Africa dû Sud chi si sviluppau di l'ulannisi ntô sèculu XVII.
