Lingua tudisca
Di Wikipedia, l'enciclopedìa lìbbira.
La lingua tudisca (die deutsche Sprache pi tudiscu) veni parrata nta quarchi paisi, supratuttu la Girmania, l'Austria, la Svìzzira, Liechtenstein e Luxembourg. S'attròvanu autri gruppi nichi nt'autri paisi, p'asempiu, ntê Stati Uniti, l'Italia e la Francia.
Lu tudiscu fa parti dî lingui girmànichi è pi tanti rispetti assumigghia la lingua ulannisi e puru la lingua nglisi. Assai dû vucabbulariu cchiù basicu dû tudiscu e dû nglisi hannu tutti dui la stissa pruvinenza, ma la grammatica dû tudiscu è nanticchia cchiù cumpricatu. P'asempiu, li verbi ausiliari si mèttinu â fini di na frasa. Nutati: «M'arrubbaru la mè màcchina» (Someone has stolen my car pi nglisi); si traduci: Man hat mein Auto gestohlen (â littra: Quarchidunu havi la mia màcchina arrubbatu, o Someone has my car stolen). Stu sistema dunni si metti lu verbu ntra na riga si sequi puru ntâ lingua ulannisi, p'asempiu: Men heeft mijn autu gestolen, ma tanti voti ntra na riga longa, unni s'attrova lu verbu ausiliari pi tudiscu è cchiù luntanu ancura dû verbu principali dunni si cci trova nnâ lingua ulannisi.
