Roma
Di Wikipedia, l'enciclopedìa lìbbira.
| Roma | |
 |
|
| Nomu ufficiali: | Roma |
|---|---|
| Riggiuni: | Lazziu |
| Pruvincia: | Roma (RM) |
| Aria: | 1.285 km² |
| Abbitanti: | 2.823.873 |
| Dinsità: | 2.197 ab./km² |
| Cumuni cunfinanti: | Albano Laziale, Anguillara Sabazia, Ardea, Campagnano di Roma, Castel Gandolfo, Castel San Pietro Romano, Ciampino, Città del Vaticano (SCV), Colonna, Fiumicino, Fonte Nuova, Formello, Frascati, Gallicano nel Lazio, Grottaferrata, Guidonia Montecelio, Marino, Mentana, Monte Porzio Catone, Monte Compatri, Monterotondo, Palestrina, Poli, Pomezia, Riano, Sacrofano, San Gregorio da Sassola, Tivoli, Trevignano Romano, Zagarolo |
| CAP: | 00100 (genèricu), di 00121 a 00199 |
| Prifissu telefònicu: | +06 |
Roma è la capitali di l'Italia. Di na populazzioni di circa tri miliuna d'abbitanti, si trova ô centru dû tirritoriu talianu, e di la pinìsula taliana.
[cancia] Storia
Nta lu 753 a.C. ntê rivi dû ciumi Tèviri, secunnu la tradizzioni fu Ròmulu, frati gimellu di Remu lu funnaturi e primu re di Roma.
Doppu nu periudu unni si succideru guerri tra li re di Roma e li populazzioni vicini, ntô 509 a.C Roma divintau na repùbblica.
Fu sulu ntô 31 a.C. ca Ottavianu Augustu, pruclamau lu mpiru romanu, chi durau nzinu ô 476 dâ nostra era. A st'èbbica lu quarteri dî Fori Mpiriali era lu centru dâ vita pulìtica e culturali di tuttu lu tirritoriu di lu mpiru.
Li sèculi dû mediu evu sunnu carattirizzati di na ginirali dicadenza, ccu saccheggi e nvasioni bàrbari succissivi.
Fu sulu a partiri dâ fini dû mediu evu, versu lu Sèculu XIV ca Roma accuminza n'àutra vota a affirmàrisi, supratuttu comu guida riliggiusa sutta li papi.
Ntê sèculi chi vìnniru, li papi cumannaru lu rinnovamentu dâ cità, e grazzî ê contribbuti di architetti comu Michelangelu, Borromini, Bernini, la cità si prisintava sempri cchiossai comu na capitali e na rifirenza ppi tutta l'Europa di l'èbbica.
La storia moderna di Roma cuminza ntô 1870, annu in cui li bersagghieri tràsunu a Porta Pia e lu putiri timpurali dû papa s'accapa. Ppi vuliri dû Re d'Italia, Vittoriu Emanueli, Roma diventa allura la capitali di l'Italia, e seggiu dû cuvernu.
[cancia] Architittura
Roma è na cità famusa assai pi so grandi monumenti e pa so architittura classica e rinascimintali. U Pantheon surgìu nta l'epuca rumana nta piazza ca uora si chiama Piazza della Rotonda, vinni custruitu du consuli Marcu Agrippa nto 27 avanti Cristu ma abbruciau nto 80 dopu cristu, ricustruitu nto 127 dopu Cristu pi grazia do 'mperaturi Adrianu, ristrutturatu nto 607 da Papa Bonifaciu IV ca u fici addivintari na crèsia, pi chissu mutivu arristau comu è cammora e nuddu s'arrisicau a sfasciarici pezzi (sorti ca tuccau a tutti l'autri monumenti), l'unicu grandi cambiamentu fu l'agghiunta di dui campanili latirali custruiti da Gian Lorenzu Bernini ma cchi ficiru spasciari nto XIX seculu picchì i rumani ni sbintavanu sempri a fomma (u suprannuminarunu addirittura orecchie d'asino "auricchi di sceccu").
U Colusseu fu costruitu da li 'mperaturi da dinastia Flavia do 70 dopu cristu finu o 80 dopu cristu. Puteva ricuogghiri macari 50.000 pirsone e nto menzu ci cumminavunu battagghi di Gladiaturi, di bbestie o di cristiani, o contraru di nzo cu si piensa i gladiaturi ca s'hanu murutu nto Colusseu su davveru picca, iddi nun cumbattevanu mai cchi bbestie ma sempri tra di iddi e quannu unu s'arrendeva veniva sempri risparmiatu, i gladiaturi cummattevanu pi soddi o pa loro libettà (su erunu schiavi) e l'addestramentu custava assai, su un gladiaturi assimpicava ppi feriti veniva subbutu medicatu. I cristiani, o cotraru, cumbattevanu tra di iddi o chi bestie spessu a mani nudi o cu armi arrazzicunati, erunu schiavi e cummattevanu pa loro libettà. A famosa scena do 'mperaturi ca faceva ammazzari un gladiaturi scunfittu è falsa, sta cuosa succireva solu tra cristiani. U colusseu comu si viri uora è tuttu spugghiatu, picchì nto XV seculu u papa fici scippari tuttu u marmu da iddu pi farici a cresia di San Petru.
[cancia] Viditi puru:
Catigurìi: Storia | Italia | Lazziu | Capitali di statu
