Kabaka

From Wikipedia

Muwenda Mutebi II ni Kabaka wa Buganda tangu 1993

Sylvia Nagginda ambaye ni malkia (Nnabagereka) wa Buganda akivaa mapambo ya Kisamburu wakati wa kutembelea Kenya mnamo mwaka 2003

Kabaka ni cheo cha mfalme wa Buganda ambayo ni ufalme ndani ya jamhuri ya Uganda. Cheo kingine pamoja na Kabaka ni Ssebataka.

Tangu mwisho wa karne ya 19 Makabaka wamekuwa Wakristo Waanglikana wakipokea taji katika kanisa kuu la Kianglikana la Kampala. Makabaka wa mwisho wamezikwa katika makaburi ya Kasubi mjini Kampala.

Serikali ya kwanza ya Milton Obote ilifuta falme zote nne za Uganda na kumlazimisha Kabaka Mutesa II kuondoka Uganda akipata kimbilio lake Uingereza.

Kati ya 1967 hadi 1993 cheo cha Kabaka hakikuwepo kisheria nchini Uganda lakini Waganda wengine walisikitikia. Serikali ya Yoweri Museveni ilirudisha falme za kale kama enzi za kiutamaduni. Tarehe 24. 07. 1993 Ronald Muwenda Mutebi II aliruhusiwa kurudi Uganda kutoka Uingereza alikokuwa amemfuata babake na kupokea rasmi taji la Kabaka mjini Kampala.

[edit] Makabaka wa Buganda

Kintu Kato, mwisho wa karne ya 14 BK
Chwa I, mwanzo wa karne ya 15
Kimera, takriban 1420 - takriban 1447
Ttembo, takr. 1447-takr. 1474
Kiggala, takr. 1474-takr. 1501
Kiyimba, takr. 1501-takr. 1501
Kayima, takr. 1528-takr. 1528
Nakibinge, takr. 1555-takr. 1582
Mulondo, takr. 1582- mwisho wa karne ya 16
Jjemba, mwisho wa karne ya 16
Ssuuna I, mwanzo wa karne ya 17 - takr. 1609
Ssekamanya, takr. 1609 - sehemu ya kwanza ya karne ya 17
Kimbugwe, sehemu ya kwanza ya karne ya 17
Kateregga, takr. 1636-takr. 1663
Mutebi I, Jjuuko, na Kayemba takr. 1663-takr. 1690
Tebandeke na Ndawula, takr. 1690-takr. 1717
Kagulu, Kikulwe na Mawanda. takr. 1717-takr. 1744
Mwanga, Namugala, na Kyabaggu, takr. 1744-takr. 1771
Jjunju na Ssemakokiro, takr. 1771-1797
Ssemakokiro (pekee yake), takr. 1797-1814
Kamanya, 1814-1836
Suna II, 1836-1856
Mutesa I, 1856-1884
Mwanga II, 1884-1888
Kiwewa Mutebi II, 1888 - alijiita kabaka bila kukubaliwa na wote wakati wa Mwanga II kukaa nje
Kalema. 1888-1889 - alijiita kabaka bila kukubaliwa na wote wakati wa Mwanga II kukaa nje
Mwanga II (mara ya pili) 1889-1897 – aliporudi kutoka nje baada ya kuuawa kwa Kiweewa Mutebi na Kalema na wafuasi wake
Daudi Cwa II, 1897-1939
Mutesa II, 1939-1969
Miaka bila Kabaka 1969-1993
Muwenda Mutebi II, 1993 – Kabaka aliyeko