Chiaki Lacey
Mula sa Tagalog Wikipedia, ang malayang ensiklopedya.
Chiaki Lacey (千秋レイシー)
Buong pangalan: Patrick Chiaki Lacey (パトリック・千秋・レイシー)
Taas: 164cm
Dibdib: 69cm
Baywang: 62cm
Puwit: 79cm
Sapatos: 24.5cm
Isang Awstralayanong-Hapon. Siya ay isang aktor na kasapi ng Junes Talent Agency.
Kaya niyang pagalawin ang hinliliit sa paa na hindi gumagalaw ang ibang daliri, magluto, at magbasa ng malakas. Ang kanyang mga kuya na sina Tatsuya Lacey at Kohta Lacey ay pawang mga kasapi din ng Junes. Isa siyang mapagmahal na bata kaya naman pangarap niya ang makapagpatayo ng isang bahay ampunan. Hindi lang iyan, isa din siyang boluntaryong manggagawa ng UNICEF sa Hapon. Hindi naman siya bihasa sa larangan ng palakasan at sayaw ngunit sa kanyang pinapasukang paaralan noong siya ay nasa elementarya, kasali siya sa isang grupong pandulaan. Sabay silang pumasok ng kanyang Kuya Kohta sa Tensai Terebikun MAX(TTK) noong 2004. Noong Hunyo 2006 inilunsad ang blogsite nilang magkakapatid na THE LACEYS. Noong Marso 23, 2007, maluwalhating nagtapos si Chiaki sa mababang paaralan. Ginanap ang pagtatapos sa lokal na paaralang elementaryang kanyang pinapasukan sa kanilang lugar. Kasama niya sa pagtatapos si Ginoong Pachiri Takahashi na naging guro at tagapayo niya sa huling dalawang taon niya sa elementarya.
Mga nilalaman |
[baguhin] Buhay TTK
- Minamahal siya ng kanyang mga kasamahan sa trabaho at mga tagahanga. Ang kanyang pagkahilig sa gyouza ay agad na ipinabatid sa publiko sa unang araw pa lamang niya sa TTK. Pinakita siyang kumakain ng gyouza sa isang parke.
- Hindi din naman siya papatalo pagdating sa lutuan. Mula 2004 ay nakapagluto na siya sa telebisyon ng iba't ibang klaseng mga pagkain mula sa gyouza hanggang sa senbei.
- Regular siyang lumalabas sa Bagong Kuwento ng Yugeder.
- Ikinatuwa din ng mga manonood ang kanyang pagiging aksidenteng komedyante. Kung minsan kasi, nakakapagbitiw siya ng biro nang hindi niya sinasadya.
- Hindi sila madalas magkaayon ng Kuya Kohta niya kaya't madalas ay may mga pagtatalo ding nagaganap. Ngunit sa pangkalahatan, maayos ang relasyon nilang magkapatid.
- Sumahimpapawid ang una niyang dula noong Disyembre 4 hanggang 6, 2006 kasama si Nanami Fujimoto. Pinamagatan itong "Oochan X Mula sa Kalawakan". Tungkol ito sa kung papaano nila matutulungang bumalik ang natagpuan nilang mama na alien pala, sa kanyang sariling planeta. Nung una ay hindi pa naniniwala si Chiaki sa mga alien ngunit siya rin ang naging susi upang maibalik ang mama sa kanyang planeta.
- Noong Abril 2, 2007, nakuha niya ang pagiging pinakasenior na senshi.
[baguhin] Mga Pinagbidahan
- NHK Tensai Terebikun MAX (2004-kasalukuyan)
- NHK Children's Lives - Once Upon A Time and Ever After
- Coach Christmas Carolling 2003
