Axol
Da Wikipedia, ła ençiclopedia libara.
Sta vòxe qua de giografia l'è soło no schiso (stub).
Se te puoi, contribuizsi subito deszo a darghe na man secondo łe convension de wikipedia.
 Axol |
|
|---|---|
 |
|
| Stato: |  Itałia |
| Regione: |  Veneto |
| Provincia: |  Treviso |
| Coordinate: | Latitudine: 45° 48′ 0′′ N Longitudine: 11° 55′ 0′′ E |
| Altitudine: | 128 m s.l.m. |
| Superficie: | 25 km² |
| Abitanti: | 8.592 31-12-04 |
| Densità: | 297 ab./km² |
| Frazsioni: | Caseła, Pagnan, Viła d'Axol, Ca' Vescovo, Viła Raspa, San Puinaro |
| Comuni contigui: | Intiòe, Castelcuc, Font, Maser, Monfun, Paderno del Grapa, Riese Pio X |
| CAP: | 31011 |
| Prefisso tel: | 0423 |
| Codice ISTAT: | 026003 |
| Codice catasto: | A471 |
| Nome abitanti: | axołani |
| Santo patrono: | |
| Giorno festivo: | |
  |
|
| Sito istituzsionałe | |
Áxol (Asolo) el xe un comune de 7.434 abitanti deła provincia de Treviso.
Indice |
[modifica] Evołuzsion demografica
Template:Demografia/Asolo
[modifica] Storia
Axol, çità preromana, ła xe stata ciamadà cuzsì dal latin Acelum, nome imprestà dal greco Akedon, che deriva da Ak, cioè «a ponta». Inte'l V secoło, uncora prima de ezsar cristianixada, ła çita ła xe stata nominada sede vescovil (Catedral de Santa Maria Assunta) dal Patriarca de Aquileia e ła xe deventada indipendente dała Diocesi de Padova, che a chel tempo ła jera ben granda. Inte'l ano 969 l'Imperator Ottone I el ga cavà via ła diocesi de Axol e el ghe ga consegnà i so beni al Vescovo de Treviso (çità anca queła originariamente inte ła diocesi de Padova); a chełi tempi łe mese i łe dixeva uncora sonando i tamburi, che suceszivamente i xe stati tirai via dal Vescovo de Treviso.
Axol e ła frazsion de Pagnan łe xe state interezsae dai fati umani e storici che xe sucezsi tra'l XI secoło e'l XIII secolo e dałe diverse proprietà che ga avù par protagonisti i vari parent deła fameja dei Exełini. Proprietà che łe xe state açertae, censie e documentae co gran atenzsion dopo che ła fameja ła ga pers l'ultima batalia inte'l 1260, quando che ai axołani ghe ga tocà giurar fedeltà al Comune de Treviso.
[modifica] El Comune e łe frazsion
Inte'l ano 1850 un decreto imperial el ghe riconozse a Axol el titol de çità. Inte'l 1928 al teritorio comunal de Axol i ghe ga xontà i comuni de Castelcuc e de Monfun che i xe deventai da novo autonomi inte'l 1945.
Łe frazsion del comune de Axol łe xe:
- Axol "çentro storico" , sede comunal.
- Caseła de Axol (dove che sta su par xo el 50% deła popołazsion co squasi 4500 abitanti), che ła comprende anca łe locałità de: San Puinaro, Viła Raspa e Ca' Vescovo.
- Pagnan (ła frazsion co manco abitanti).
- Sta frazsion qua ła xe una dełe locałità venete interezsae dai fati umani e storici che xe sucezsi tra'l XI secoło e'l XIII secolo e dałe diverse proprietà che ga avù par protagonisti i vari parent deła fameja dei Exełini. Proprietà che łe xe state açertae, censie e documentae co gran atenzsion dopo che ła fameja ła ga pers l'ultima batalia inte'l 1260.
- Viła d'Axol (che fin al 1974 ła se ciamava «Pradazs»)
[modifica] L'acuedoto romano Ła Bot
El xe tra łe pi importanti testimonianzse de l'antica çità Acelum e tuti i ło riconozse come uno dei acuedoti pi interezsanti scavai in cunicol inte ła rocia. El primo toc se pol vedarlo in piazsa Angeło Brugnołi.
[modifica] Ła roca
Ła xe el simbol deła çità, su in çima al monte Rico. Ła strutura, a połigono iregołar, ła xe deła fine del XII secoło-inizsio del XIII secoło.
[modifica] El castel
Ghe gà abità ła regina Caterina Cornaro, e uncò el ga dentro el teatro Eleonora Duse.
[modifica] El museo
El museo el xe dentro al Pałazso deła Rexon, costruzsion del 1400 co tacada ła Logia afrescada co çène de batalia.
[modifica] Łe viłe e residenzse
Łe residenzse de Axol łe xe prestigiose e bełe. Łe pi importanti łe xe:
- Ła casa deła Divina Eleonora Duse dove che sul davanti ghe xe scrita ła dedica in versi de Gabriele d'Annunzio;
- Villa Freya, dove che inte'l giardin xe conservae łe fondamenta del teatro Romano;
- Casa Małipiero;
- Ła Villa dei Armeni, del XVI secoło
- Pałazso Beltramini, sede del Municipio
[modifica] Ła catedral e łe cexe
Ła catedral ła xe stata costruìa sora a dełe costruzsion de l'epoca romana e risistemada da Giorgio Massari inte'l 1747. Dentro se pol amirar ła pała d'altar Assunta de Lorenzo Lotto .
[modifica] Perzsonałità famose
Łe xe tante łe perzsonałità che restarà par sempre łigae al nome de Axol.
- Caterina Cornaro
- Eleonora Duse
- Freya Stark
- Pietro Bembo
- Robert Browning
- Angelo Brugnoli
- Giosuè Carducci
- Igor Strawinsky
- Ada Negri
- Gian Francesco Malipiero
[modifica] I cognomi de Axol
Inte'l comune de Axol ghe xe 1999 cognomi (qualcun de provenienzsa straniera); i pi importanti i xe i seguenti (tra parentesi el numero stimà de perzsone che ga chel cognome):
Feltrac (112), Gaxoła (112), Reginato (106), Parisot (95), Forato (70), Basso (67), Bazsaco (67), Cecato (67), Dal Beło (61), Dała Rosa (61)
[modifica] Vozs corełae
- Villa Polimar
