Ruzante
Da Wikipedia, ła ençiclopedia libara.
 |
"«Uno straordinario teatrante della mia terra, poco conosciuto ... anche in Italia. Ma che è senz'altro il più grande autore di teatro che l'Europa abbia avuto nel Rinascimento prima ancora dell'avvento di Shakespeare. Sto parlando di Ruzzante Beolco, il mio più grande maestro insieme a Molière: entrambi attori-autori, entrambi sbeffeggiati dai sommi letterati del loro tempo. Disprezzati soprattutto perché portavano in scena il quotidiano, la gioia disperazione della gente comune, l'ipocrisia e la spocchia dei potenti, la costante ingiustizia»"
(Dario Fo)
|
Angelo Beolco dito el Ruzante (nato a Padoa o forsi a Pernumia, 1496 circa - morto a Padoa, 17 de marzso 1542) el xe stà un ator e autor de teatro Veneto.
Fiol ilegitimo de Giovan Francesco Beolco, profesor a ła facoltà de medizsina de l'università de Padoa, ła so atività de teatrante ła scominzsia quando el scominzsia a colaborar col mecenate e leterato Alvise Cornaro. In te ła so prima opera (ła Pastoral) vien mostrà, in contrapoxizsion tra de lori, el mondo ideałizà dei pastori arcadi e queło rùstego dei contadini pavani, tolti in giro par ła so ignoranzsa. Piesè avanti però el Ruzante el canbia el so ategiamento verso el mondo contadin, e el se mete invezse a raprexentarlo in te ła so realtà, de mixèria, disperazsion, sfrutamento e ingiustizsia (val ła pena nominar a tal propoxito el Primo Dialogo - Parlamento de Ruzante che iera vegnú de campo e el Secondo Dialogo - Bilora).
Łe so opere, che al'epoca łe gavea fato parecchio succèso, łe xe stà praticamente desmentegà a partir dal Siezsento, e soło in tenpi rełativamente recenti i studioxi i sa incòrto del vero vałor del Ruzante comediografo. Nel 1997 Dario Fo, nel discorso che el gà fato quando ghè stà consegnà el premio Nobel, el gà definìo Ruzante come el pi' grando autor de teatro del Rinasimento.
