Verona

Da Wikipedia, ła ençiclopedia libara.

Verona

Stato:	Itałia
Regione:	Veneto
Provincia:	Verona
Coordinate:	Latitudine: 45° 26′ 0′′ N Longitudine: 10° 59′ 0′′ E
Altitudine:	59 m s.l.m.
Superficie:	206,63 km²
Abitanti:	259.068 31-12-04
Densità:	1182 ab./km²
Frazsioni:	Avesa, San Michele Extra, San Masimo all'Adige, Quinzano, Quinto di Valpantena, Poiano di Valpantena, Parona di Valpolicella, Montorio Veronese, Mizzole, Marchesino, Chievo, Cà di David e Moruri
Comuni contigui:	Busolengo, Buttapietra, Castel d'Azzano, Grezzana, Mezzane di Sotto, Negrar, Pescantina, Roverè Veronese, San Giovanni Lupatoto, San Martino Buon Albergo, San Mauro di Saline, San Pietro in Cariano, Sommacampagna, Sona, Tregnago, Villafranca di Verona
CAP:	37100 (città da 37121 a 37139)
Prefisso tel:	{{{prefisso}}}
Codice ISTAT:	023091
Codice catasto:	L781
Nome abitanti:	veronesi
Santo patrono:	San Zen
Giorno festivo:	21 de majo

Sito istituzsionałe

La Arena de Verona de note

Verona l'è la cità più a ovest del Veneto, l'è vizsina al Lago de Garda. La g'ha na posizsion giografica che la ghe permete de esar senpre al centro dei trafichi de mercanti, che i vegna da levante, che i vegna da Milan, chi sia tamochi o chi vegna dal sud. Infati l'è una de i centri piasè importanti par le comunicazsion par strada, e gh'è na mota de robe inportanti par exenpio 'n fiera, 'ndo che i fa tute le spoxizsioni.

I só monumenti prinzsipali i è l'Arena in piazsa Bra, el pontexel de Romeo e Giulieta, el ponte Piera, Piazsa Erbe ndo che gh'è un casin de palazsi pituradi, e 'l Teatro Romano su par le toresele. Le só vie principali i è via Mazsini, via Capèl e via Balòn, se vardemo solo nte la parte pi asè vecia.

Le squadre de balòn de Verona i è do: l'Hellas Verona, che l'è la squadra piesè conoçua e che a gà vinto anca un scudeto, e el Ceo, che da pochi ani el zuga in Serie A ma el sà xà dimostrà na bona squadra. A dir la verità le done a balon jè andà mejo, tre squadre le ga ciapà el scudeto: el Verona Calcio Feminile jutà anca da la Fondasion Gunther, el Foroni Verona e a la fine el Bardolin.

Verona l'è anca sede universitaria, che l'è sempre piasè granda sopratuto par medicina e informatica ance se jè facolta rilativamente nove.

[modifica] Veronexi famosi

Tra i scritori e i òmeni de cultura famosi nati a Verona, val la pena de nominar almanco Aleardo Aleardi, Scipione Maffei, Ippolito Pindemonte, Emilio Salgari, oltre al storico Giovanni Battista Biancolini e al'umanista Guarino da Verona e el poeta Berto Barbarani.

Tra le personałità famose che gà visù un tòco a Verona o ghe n'ha parlà in tełe só opere, i du piesè famosi jè sicuramente Dante Alighieri e William Shakespeare. N'altro veronexe celebre, anca se no se conoxe propio ben łe só origini, l'è el poeta latìn Catullo.

[modifica] Storia

La storia de Verona la scomesia xa nte a pristoria quando che gh'era i palioveneti; po dopo de lori iè rivè i retici e i celti che i sarìa i "galli". Questi ultimi i è bastansa importanti anca parché i era la tribù che se ciamava dei veneti. Comunque la cità l'ha ciapà na certa importansa quando che ntel 49 a.C. i l'ha fondà uficialmente i romani, che i farà i siori al manco par doxento ani. Ntel cuarto secolo, po, el Cristianesimo l'è deventà la unica religion de Verona parchè gh'era stà San Zen, che l'era el vescovo, che tra l'altro par che'l fuse anca nero. Comunque prima co Teodorico e po coi Longobardi de Alboino Verona l'è deventà na cità de quele bele, co palazsi, munumenti e na mota de bele robe. Dopo che se n'è ndà i lumbard è rivà el Carlo Magno re dei Franchi, e anca so fiòl Pipino, e anca lori i a dà lustro ala cità.

'Ntel ano 1136, Verona l'è un comun, comei altri de l'Italia del Nord, e la fa un casin de la madona contro l'imperador del romano sacro impero. I è ani duri de guera, ma a la fine de quei, nazse la fameja dei siori Scaligeri, e prima Ezelin da Romano, e po Can Grande de la Scala i a fato deventar Verona na vera potensa, che inparfin i venezsiani de la Serenisima i gh'avea scaga che i le conquistase. En sto periodo, Verona la conozse el pi bel periodo de la so storia, parchè gh'è tuti i poeti i pitori i nteletuali del tempo, infin Dante Alighieri, ch l'ha scrito un toco de la Divina Comedia propi a Can Grande. Ala fine però l'è stà la solita fregadura, e el declino de Verona l'è scomensià, ma l'à resistio deventando un centro de cultura soto la dominazsion venezsiana. Ma po tuti i a scumesia a desmentegarse ci che i era, tanto che ne l'Otocento gnisuni gh'avea pi ricordo de le grandese e del splendor. L'è stà cusita che Verona l'è deventà taliana, sia parchè l'era el momento de far un stato, sia anca parchè la s'era desmentegà la so storia. Se vegnì a Verona ancò no catè quasi gnisuni che parla Veronese dal bon; i è deventè taliani, come prima i era deventè tamochi e po venezsiani.