Luc Glorieux
From Wikipedia
Luc Glorieux (Kortryk, 6 september 1942) es voorol gekend vo zin bydroagn an 't promootn van den autocar of den ottobuus. Ie es actief in de FBAA (Federatie van de Belgische Autobus- en Autocarondernemers en Reisorganisatoren) en eit enigte autocarbeurzn ipgericht, woavan dat den bekendstn Busworld es in d' halln va Kortryk (Kortrijk Xpo). Die beurze eit internationoal belang en es wrêed belangryk vo Kortryk. Glorieux eit hem ol vree moetn weiren vo de beurze in Kortryk t'oud'n.
Ip moandag 18 september 2006 won 't ie de twêejoarlijkse Westtoer-Prijs Fernand Peuteman.
[bewerk'n] Ipleidienge
Ie eit e diplom regentaat Nederlans-Geskiedenisse, behoald in 't Sint-Thomas in Brussel. Doamee begost ie lesse te geevn moa ie vond doa lyk nie direk zinne droai. Achter zinne legerdienst deed ie 'n êen interim achter 'n andern moa kwam uiteindelyk in de café-kelder van staduus va Kortryk Juul Coussens teegn, die hem vôornsteldige van secretair te wordn van de Federatie Car en Bus. Nen job woarin dat ie hem noar eign zeggen "zot eit gejeund".
[bewerk'n] Privé
Ie weunt in Roeseloare en eit soamn me zin vromins Fernande twêe dochters: Mieke en Veerle.
