Olympic Brugge (OB)
From Wikipedia
| Dat artikel ier is nog moa e klêen begun. Ge zyt g'inviteerd vôor ip bewerk'n te klikk'n voe meer encyclopedische kennisse toe te voegn. |  |
Olympic Brugge of den Olimpiek gelik z'in Brugge zeggen, is den êersten verênegienk van Brugge da zich ip de atletiek begost te concentrêern, ipgericht in 1934. Brugge êet nog een twidde, joengere, atletiekverênegienk, den ABAV.
[bewerk'n] Geschiedenisse
De atletiekverênegienk Olimpiek Brugge is ontstoan in 't joare 1934. Te was de sportievelienk Louis Carlier, die tegoare mêe enigste vrienden de verênegienk stichtege. Ip den 15e februare van da joar kreegt den verênegienk by de KBAB 't stamnummero 15. De kleuren van de club woaren, tzelfste gelik de kleuren van 't embleem van 't Stad Brugge, rôo êe blauw.
Den êersten voorzittere vant vûfkoppige besteur was Etiennne Decraecke, dien beklêdege dien functê vo 30 joaren.
In 1936 sloot Julien Saelens êm an by de club. Dien sprintere werd 't boegbêeld ip de snelhydsnummero's en 'tis nor em dat 't loatere Bloso stadium ip Assebroek wier vernoemd. Ook den joarlikse mêeting, die z'n groend viendt in de vroegere "Dag Der Kampioenen" die ip De Klokke ,in Sint-Andries, deurgienk, wier nor em vernoemd.
De verênegienk kendege deur de joaren verschiedene hôogtepuntn:
- Vanaf 1943 wier ter 20 joar langk den Doortocht Van Brugge gorganisêerd, da woar nen aflossiengswedstried mêe 'n international karaktere.
- In 1977 voend 't WK vo veteroanen platse mêe 1700 deelnemers ût 26 verschiedene landen.
Ôke de Guldensporenmarathon tusschen Kortryk en Brugge teldege enigste kêren as VAL kampiôenschap, woroender 't Belgiesch kampioenschap vo veteroanen in 1991 en 't Belgiesch kampioenschap in 1992.
Deure de geschiedenisse âd Olimpiek Brugge vele topatleten woroender de vôorvermelde Julien Saelens, spurter Frank Verhelst die nu zijn kennis doorgeeft aan de jongeren, Anne-Marie Danneels die zowel op de piste als in het veld bij de besten hoorde, alsook Peter Daenens die furore maktege ip de stieple en recent nog Sven Pieters die in 1996 meedêe an d'Olympische Speeln in Atlanta.
't Adresse: Bloso Sportcentrum "Julien Saelens", Speelpleinlaan 1, 8310 Assebroek
[bewerk'n] Andere West-Vlamse atletiekverênegiengn
- Site Algemene Brugse Atletiek Vereniging
- Site AV Molenland
- Site AV Roeselare
- Site Atletiek Zuid-West
- Site Beverhout Atletiek Club
- Site Flanders Atletiek Club
- Site Hermes Club Oostende
- Site Houtland Atletiek Vereniging
- Site Koninklijke Kortrijk Sport
- Site Marthon Atletiek Club Westhoek
