Parys
From Wikipedia
Parys is 'n oofdstad va Vrankryk.
In 't stad zelve weun d'r 2 miljoen menschn. Pak je grôot-Parys, ton kom je makkelik an 10 miljoen. De burgemêester va Parys is voe 't moment (2006) Bertrand Delanoë. Parys is êen van die steedn woa daje op e poar vierkante kilometers de hêle weireld byêen et. Alle sôortn menschen weun d'r tope, va verschillige cultuurn en toaln. 't Is e stad die al vele êeuwn menschn antrekt. Oek toeristn, die vinn dat er e romantische antrekkiengskracht van uutgoat.
[bewerk'n] Attraksjes
- Ieffeltôorn (Nederlands: Eiffeltoren): 't mêest bekende monument in Parys.
- Louvre: e museum mè topstukkn ut olle tydn, o.a. de Mona Lisa va Leonardo Da Vinci.
- Moulin Rouge: e cabaret mè snelle danseressn mè pluumn in nunder gat die de French cancan dansn.
- Champs Elysées: de bekendste wienkelstroate, woa da sedert 1975 oek de Tour de France ankomt.
- Notre Dame: e kerke uut de vroege gotiek. Oek bekend va ze bultenoare.
- Montmartre: vroeger e plekke voe echte artist'n, nu e val voe toerist'n die slichte schilderyn koopn.
- Père-Lachaise: e kerkhof da vul legt me beroemde menschn lyk Edith Piaf, Albert Camus e Jim Morrison.
