Piet Huysentruyt
From Wikipedia
Piet Huysentruyt (7 december) es van Kuurnse ôorsprong, kok en eigenoare van restorangs, moar es by 't grôte publiek vôorol bekend van zyn iptreedns als TV-kok ip VTM.
Inoud |
[bewerk'n] Restorangouder
Piet volgde zijn opleiding in de hotelschool Ter Duinen in Koksyde. Piet Huysentruyt es begonn'n als kok in een restorang in Belgje, achter 'n endeke oat y t'zyne dat achter nen tyd een Michelinsterre krêeg. In de recentere joarn eit ie een restorang begonn'n in Vrankryk, mêer bepoald in den Ardêche, noar eign zeggn om de drukte in Vloandern te ontsnappen. Da restorang èt ie in 2006 were gesloten omdat het een sorte van bedevoartsoord wo gekommn vo Vlamiengn die ip voyoaige woaren in Vrankryk en dat azoa were druk wa gekommn.
[bewerk'n] TV-kok
Piet Huysentruyt kwam nationoal in de bekendeid deur zyn programma Lekker thuis, woarin dat ie êest me Mimi Smith en loater me Ilse Demeulemeester als assistente in 10 minutjes een hêel gerecht vôorstelde. Loater kwam ton nog De perfecte keuken en SOS Piet (ollemoale ip VTM). In ol die programma's es't ie gekend voo een aantal typische uitsproak'n, gelik Zieded.
[bewerk'n] Kookboekn
Piet Huysentruyt eit een massa kookboekn geschreevn, een aantal noamn: Kookbijbel, Piet's Pan, Alles in de wok, Hartvriendelijk koken (een boek vul me cholesterolarme receptn),...
