Wikipedia
From Wikipedia
Wikipedia is een project van de Wikimedia Foundation, nen vzw uut Florida. De Wikimedia Foundation eit verschillige project'n oender eur vleirn woavan da Wikipedia 't gekendste is.
De bedoelinge is om in olle toaln ne vryen en neutroaln encyclopedie te schryvn die olleman êlegans vo nietn meugt gebruukn vo informoasje ip te zoekn, toe te voegn of te bewerkn.
De West-Vlamsche versie stoat ip vls.wikipedia.org en eit vo de moment 1,536 artikels. Den Iengelsn es de grotstn met mêer of 1.680.000 artikels. In zyn hêle zyn der mêer of 6.000.000 artikels in 250 verschillige toaln.
Den êestn Wikipedia, den Iengelsn, is ipgericht in 2001, de West-Vlamsche versie in 2006.
[bewerk'n] Kwaliteit
Een vergelykienge in september 2004 van den Duutsche Wikipedia en twêe andere gekende Duutsche encyclopedieën, Brockhaus en Encarta, viel in 't vôordêel van Wikipedia uut.
In december 2005 eit 't tydschrift Nature een oenderzoek gedoane woaruut bleek da je ip Wikipedia e bitje minder koste betrouwn dan ip de vrêe serieuzn en gekendn Encyclopædia Britannica. 't Gemiddeld oantal missn per artikel lag by Wikipedia ip viere, by Britannica ip drie. 't Ging over e redelik klêne selectie moa de professionele redacteurs van Britannica woarn serieus in under gat gebeetn.
In 't olgemêen zyn der vele artikels die vrêe degelik zin en andere die moa poverkes zyn. Bepoalde onderwerp'n krygn in Wikipedia ôok systemoatisch mêer oandacht lik techniek en IT en oenderwerp'n lyk Afrika en geschiedenisse minder. Vôorstanders zeggn ton were dat da ol tydelikke effect'n zyn.
 |
Mêer ofbeeldiengn die ier by passn ku je vien ip Wikipedia ip Wikimedia Commons. |
