吴语
来自 吴语维基百科
吴语是汉藏语系汉语族个一种言话。
内容 |
[编辑] 历史
吴语是一种历史交关悠久个言话，2500年前头中国个春秋时代辰光，江南个两个诸侯国：吴国搭越国，渠拉上层阶级就勒拉使用登楚国传过去个一种汉语方言，迭个就是顶早个属于汉语族个“吴语”。到仔公元4世纪东晋个辰光，“衣冠南渡”个北方人发觉吴地方言搭中原言话推板邪气大，根本呒处相互了解。必过，北方优势政治地位个影响下底，交关古老个吴语特征反而保留勒今朝个“闽语”里向，现代吴语个语音明显好搭中古（隋唐）辰光个韵书（广韵－切韵）建立对应关系，为之讲，虽然吴语个历史是南方汉语里向顶顶长久个，形态倒勿是顶顶古老个。
[编辑] 现状
吴语勒垃人口统计浪是中国大陆个第二大方言，不过，因为弗像闽南话搭粤语搿能有“统战需要”，吴语目前有沦为市井言话个危险，出现勒媒体个正规新闻节目当中个辰光邪气少。
吴语地区个教育相对发达。幼儿园辰光就开始个推广普通言话个活动搭仔学堂里向用语个单一普通话化，导致新生代普遍双语，并且已经基本丧失吴语阅读搭仔写作能力，甚至勒年纪轻个本地人当中出现一大批只会听弗会讲甚而至于弗会听也弗会讲个。
[编辑] 分布
按照现在一般个学术浪个分区，吴语分布勒江苏南部、浙江大部分，上海市全部，安徽南部搭仔福建、江西个少部分地方，大约摸匝，通行吴语个县市有110个左右，人口大约8000万(2004年)。
吴语分布个四个极: 北:江苏如东东南部个几个乡（使用启海话） 东:浙江舟山群岛 南：福建浦城县（城关及以北，讲属于南部吴语个浦城话） 西：安徽省石台县(使用宣州片吴语，迭个最西点比较模糊而且勒拉勿断东移，因为宣州吴语勒拉消亡当中)，比较稳定个西端是江苏省高淳县。
[编辑] 分区
另见主条目“吴语分区”
[编辑] 语音特点
[编辑] 词汇特点
[编辑] 语法特点
[编辑] 正字法与书面语
[编辑] 文学作品及影响
另见主条目“吴语文学”
[编辑] 另见
[编辑] 参考
[编辑] 外部链接
Categories: 吴语 | 汉语
