苏白
来自 吴语维基百科
内容 |
[编辑] 概述
苏白，字面浪个意思就是苏州白话，也就是苏州口语，即苏州言话。
[编辑] 影响
苏州言话长期以来一脚是吴语个代表方言，也是汉语方言里向顶顶早拨研究个一种方言，相关个研究成果也相对比较丰富。
苏白勒拉历史浪有过交关重要个影响。通行勒拉北部吴语地区个苏州评弹（包括评话搭仔弹词），用个也就是苏白。苏白也是昆曲里向丑角常用个言话（相对个，北昆常使用“京白”）。
勒拉历史浪一脚到民国，吴语小说几乎侪是用苏白写个，作者也弗一定是苏州人。
苏白对上海言话个影响也交关大。
勒拉历史浪向，根据《松江府志》记载：明代是“府城视上海为轻，视嘉兴为重”，到仔清朝已经是“府城视上海为轻，视苏州为重”。
现代上海话勒拉俚个形成过程当中，也拨拉苏白强烈影响，特别是表现勒拉发音浪，外加是明显。勒拉一定程度浪，可以实梗讲法：上海本地言话基本浪已经拨苏白消灭脱哉，取而代之个是苏州味道浓重个新上海话。
苏白也拨拉赋予江南个特殊味道。金庸（浙江海宁人）个武侠小说《天龙八部》里向，阿朱阿碧就讲一口苏白，拿江南少女个灵动搭仔秀气刻划得活灵活现。
[编辑] 使用苏白个文学作品
此地所谓个“使用苏白”，並弗一定是完全用苏白来写，有星是夹用苏白搭仔官话。
- 《山歌》
作者明末冯梦龙，是一只吴语山歌集。
- 《海上花列传》
- 《九尾龟》
- 《海天鸿雪记》
[编辑] 另见
关于更加详细个“苏白”个音韵特点搭仔词汇特点也啥，请倷参考条目“苏州言话”。
