苏州话
来自 吴语维基百科
苏州言话，流行于苏州地区。苏州言话属于吴语个太湖片苏沪嘉小片。
苏州言话长期以来一直拨看作是吴语个代表，也是汉语方言研究中顶早拨研究个方言之一。
苏州言话以“嗲”出名，所谓个吴侬“软”语（侬作人解）就是从迭个方面讲个。
昆曲搭仔评弹侪使用苏州言话，并且流行于整个吴语太湖片。
现代苏州言话有27个声母，43个韵母，7个声调，搿个声韵调系统也是吴语个一般性情况。
苏州言话也是一种文学语言，19世纪兴起个吴语文学比如讲《海上花列传》就是用苏州言话写成个。
内容 |
[编辑] 分布
泛泛个讲，苏州地级市境内个言话侪好叫苏州言话。不过一般性狭义个苏州言话，是指苏州市区搭附郭原吴县个言话。
[编辑] 历史
[编辑] 影响
[编辑] 分类
[编辑] 音韵
[编辑] 方言搭仔派别
苏州言话一直勒浪发展，语音也有所变化。该搭拿上世纪初以来个苏州言话分成三派，即老派、中派搭仔新派。
另外，特别拿评弹苏州言话拿出来，分析该个特殊个相对较为固定个艺术语言个特点。
[编辑] 老派
该搭个老派以《苏州方言同音字汇》，也就是丁邦新《一百年前的苏州话》里向研究个苏州言话音系为准。
[编辑] 中派
此地个中派苏州言话以《汉语方言概要》里向记录个苏州言话音系为准。
搭老派相比，音韵浪突出个特点是，中派弗再分平舌音搭仔翘舌音，“蛙”[uo]并到“丫”[o]里向，“晏”[ɛ]并到“爱”[ᴇ]里向。
[编辑] 新派
该面搭讲个新派苏州言话以《当代吴语研究》里向记录个苏州言话音系为准。
[编辑] 评弹苏州言话
评弹苏州言话是苏州评弹里向用个艺术化个言话。有星人拿渠看成是所谓“正宗”个苏州言话。俚弗像一般口头言话样能随便，是评弹演员个基本功，为之讲比较稳定，发展呒拨一般苏州人个口头言话来得快。
评弹苏州言话是比较老派个苏州言话，搭今朝个多数苏州人讲言话是弗一样个。凡是要说唱苏州评弹个人，头一个要学个就是评弹苏州言话。
登语音浪来讲，评弹苏州言话有几只比较突出个特点：
- 带翘舌声母
今朝个苏州市区言话，已经呒拨翘舌音哉。勒拉民国初年个辰光，老派个苏州言话里向还有翘舌音。该歇只有登郊区搭仔评弹艺人个嘴里向还听得见翘舌音，市区个苏州言话已经呒拨哉。评弹苏州言话就保留着实梗一只老派苏州言话个特点。尚况因为已经呒拨群众基础哉，所以评弹艺人嘴里向个翘舌音也开始弗哪亨整足。实际浪向，评弹苏州言话个翘舌音个分布搭仔普通言话是两样个，据赵元任先生讲是搭天津言话差弗多。必过现在推广普通言话，为之讲也有人按照普通言话个分法来分。
- 文白异读比较多
评弹勒唱词里向，因为基本浪用个侪是古代官话白话个句子，为之讲文白异读比平常辰光讲张要来得多。交关平常辰光已经几乎弗用个文读，勒弹词里向还有。
再一个，对于像曹操啊刘备啊该种身份个人，俚笃讲言话侪要用所谓个“中州韵”，用个侪是苏州官话，所以文读就外加多哉，连调头也像唱戏里向个。
登用词造句浪来讲，评弹苏州言话交替用苏白（私白）搭仔官白，来适应弗同个人物身份个需要。再一个呢评弹里向个说表也就是叙述描写个部分，一般性也侪是用苏白个。
[编辑] 语法
[编辑] 词汇举例
- 名词
- “宝货”：无能的人
- “门枪”：舌头
- “迷露”：雾
- 动词
- “牵记”：牵挂
- “钝卵”：意气用事
- “勿碍”：无妨
- 形容词
- “下作”：下流
- “老茄”：少年老成
- “热络”：亲热
- “洋盘”：不识货
- “难板”：难得
- 副词
- “齐巧”：恰巧
- “纯光”：仅仅
- “本生”：本来
- “板要”：偏要
- “特为”：故意
- “刚巧”：刚才
[编辑] 另见
[编辑] 相关参考文献
- 《苏州方言志》 叶祥苓 江苏教育出版社 1988
- 《苏州方言词典》 李荣主编 江苏教育出版社 1998
- 《苏州方言地图集》 叶详苓主编 龙溪书会 1981
- 《江苏省志·方言志·吴语苏州方言篇》 鲍明炜主编 南京大学出版社 1998
- 《苏州话音档》 叶详苓、盛毓青主编 上海教育出版社 1996
- 《苏州方言语音研究》 汪平 武汉：华中理工大学出版社 1996
- 《苏州方言语法研究》 李小凡 北京：北京大学出版社 1998
