אומאן
פֿון װיקיפּעדיע
אומאן איז א שטאט אין אוקריינע. דארט ליגט ר' נחמן מברסלבס קבר.
יעדעס יאר ראש השנה קומט דארט אהין אלע בראסלעווער חסידים פון מדינת ישראל און פון איבעראל צו פראווען יום טוב מיט זייער געשטארבענער רעבין, ווייל ר' נחמן האט געזאגט פאר זיינע חסידים "גאר מיין זאך איז ראש השנה", און ר' נתן מברסלב (דער תלמיד פון ר' נחמן) האט געהאלטן אז ר' נחמן האט געוואלט מען זאל קומען צו אים אויף ראש השנה אויך נאך זיין פטירה. כאטש וואס עטליכע תלמידים פון ר' נחמן האבן געהאלטן אנדערש, אבער די אנגענומענע דעה אין ברסלב איז ווי דער תלמיד ר' נתן.
צווישן די ברסלעווער חסידים, איז דא אזעלכע וואס האלטן אז די זאמלונג (קיבוץ) מוז נישט זיין דווקא ביי ר' נחמן'ס קבר.
- א זעלכע טענה'ן אז ר' נחמן געפינט זיך אין די ברעסלעווער שול אין ירושלים, ווייל די גאנצע צייט וואס מען האט נישט געקענט פארן אין רוסלאנד (ווען ס'איז געוועזן אונטער די קאמאניסטישע רעגירונג) האבן זיך די ברסלעווער צאמגענומען ראש השנה אין די שול אין ירושלים, און ר' לוי יצחק בענדער האט געשריגן "דער רבי איז דא", אלזא דעם, איז ר' נחמן ממשיך צו קומען דארט אויף ראש השנה.
- ר' אליעזר שלמה שיק פון ברוקלין האלט אז אין יעדע ארט ווו עס נעמען זיך צוזאם א מנין, קומט דארט ר' נחמן. דערפאר, אויך ווער עס קען נישט פארן קיין אומן, זאל גיין דאווענען מיט א ברעסלעווער מנין.
- די נ נח (תלמידים פון ר' ישראל בער אודעסער) טענה'ן אז ר' נחמן קומט אויף ראש השנה צום קבר פון ר' ישראל בער וואס איז באגראבן אין הר המנוחות אין ירושלים. און זיי שטעלן דארט אויף א ריזיגע געצעלט צו דאווענען.
אין אומאן איז פלאצירט דער סאפיע גארטן.
