Ìn-nî
Wikipedia (chū-iû ê pek-kho-choân-su) beh kā lí kóng...
Indonesia Kiōng-hô-kok (kán-chheng Ìn-nî) tī Tang-lâm-a poàn-tó kap Australia ê tiong-kan só·-chāi, mā tī Ìn-tō·-iûⁿ kap Thài-pêng-iûⁿ tiong-kan, sī sè-kài siōng toā ê kûn-tó. Tī Borneo-tó siōng, Ìn-nî kap Má-lâi-se-a ê piⁿ-kài sio-tú; Sin Guinea-tó ê sai-pêng iû Ìn-nî thóng-tī, tang-pêng sio̍k-î Papua Sin Guinea kok; Ìn-nî mā thóng-tī Timor-tó ê sai-pêng, tang-pêng sī Tang Timor kok.
- Koaⁿ-hong gí-giân: Ìn-nî-gí (Má-lâi-gí)
- Siú-tō·: Jakarta
- Chóng-thóng: Susilo Bambang Yudhoyono
Bo̍k-lo̍k |
[siu-kái] Tē-lí
Ìn-nî koán-hat iok-lio̍k 17,000 ê tó (kî-tiong 6-chheng ê ū toà lâng), lóng tī chhiah-tō hù-kīn, khì-hāu sī jia̍t-tāi-sèng--ê. Siōng toā ê tó-sū sī Java (1-poàⁿ ê jîn-kháu tiàm hia khiā-khí), Sumatra, Borneo, Irian Jaya, kap Sulawesi.
Ìn-nî ê ūi-tī oá-kīn tāi-lio̍k tē-pang ê kîⁿ, só·-í tiāⁿ-tiāⁿ siū tē-tāng, tsunami éng-hióng. Hoé-soaⁿ mā chē, siōng chhut-miâ--ê sī í-keng bô--khì ê Krakatau (Krakatoa) hoé-soaⁿ.
[siu-kái] Siā-hoē
Ìn-nî ê jîn-kháu ē-sái tāi-iok-á pun 2 tīn lâng. Sai-pêng ê lâng-chéng chú-iàu sī Má-lâi-lâng, ah tang-pêng chú-iàu sī Papua-lâng. Cho̍k-kûn kiat-kò· pí-kàu khah ho̍k-cha̍p, pau-koat ū Borneo, Irian Jaya hit tah ê thoân-thóng pō·-lo̍k. Hoâ-jîn sī 1 ê toā chió-sò· bîn-cho̍k, ū 2~3 pah-bān chē. In tī keng-chè léng-he̍k te̍k-pia̍t oa̍h-thiàu, khiok-sī bô siū kî-thaⁿ ê Ìn-nî-lâng hoan-gêng.
Islam-kàu sī Ìn-nî chú-iàu ê chong-kàu, sìn-tô· tāi-iok ū 82% chē. Chhun ê sī Ki-tok-kàu (9%), Hu̍t-kàu (2%), Ìn-tō·-kàu. Choè-kīn kúi nî ū bē-chió chong-kàu chhiong-tu̍t hoat-seng.
Koaⁿ-hong gí-giân Ìn-nî-gí (Má-lâi-oē ê 1 chióng) chiâⁿ phó·-phiàn. Chóng--sī tē-hng gí-giân chiah sī pêng-siông-sî ê chú-iàu oē-gí.
[siu-kái] Keng-chè
Chit pha iáu-bōe ū lâng siá. Chhiáⁿ tàu pó·-chhiong lōe-iông.
[siu-kái] Le̍k-sú
Chit pha iáu-bōe ū lâng siá. Chhiáⁿ tàu pó·-chhiong lōe-iông.
[siu-kái] Chèng-tī
Ìn-nî siōng koân ê li̍p-hoat ki-kò· hō-chò Majelis Permusyawaratan Rakyat (MPR), iā-chiū-sī Jîn-bîn Hia̍p-gī Hōe. Che sī 1 ê tan-īⁿ-chè ê gī-hoē, ē-kha siat Jîn-bîn Tāi-piáu Hoē (Dewan Perwakilan Rakyat , DPR) kap Tē-hng Tāi-piáu Hoē (Dewan Perwakilan Daerah, DPD). 2004 nî ê soán-kí kiat-sok liáu-āu, àn-sǹg Jîn-bîn Hia̍p-gī Hōe ē chiâⁿ-chò siang-īⁿ-chè ê kok-hoē.
Chóng-thóng hoāⁿ hêng-chèng koân. Hiān-jīm ê chóng-thóng sī Megawati Sukarnoputri, i sī Sukarno ê cha-bó·-kiáⁿ.
Jîn-bîn Hia̍p-gī Hōe pún-té múi 5 tang soán chhut 1-ūi sin chóng-thóng kap hù-chóng-thóng. 2004 nî khai-sí thàu-koé kong-bîn tāi-soán lâi koat-tēng. Tē-1-pái ê tāi-soán tī 2004 nî 7-goe̍h kí-pān, soán chhut 2-cho· hiō-soán-jîn, Susilo Bambang Yudhoyono (SBY) kap Megawati Sukarnoputri. Tē-2 kai-toāⁿ ê tâu-phiò tī 9-goe̍h 20 oân-sêng, chèng-sek kiat-kó hián-sī Susilo the̍h-tio̍h 60.9% ê phiò, àn-sǹg ē sūn-lī tī 10 goe̍h 20 chiū-jīm.
| Tang-lâm-a ê kok-ka |
|---|
|
Brunei | Kampuchea | Hui-li̍p-pin | Ìn-nî | Lao-kok | Má-lâi-se-a | Myanmar | Oa̍t-lâm | Sin-ka-pho | Thài-kok | Tang Timor |
| A-chiu ê kok-ka | ||
|
Afghanistan | Ai-ki̍p | A-la-pek Liân-ha̍p Thâu-lâng-kok | Azerbaijan | Bahrain | Bangladesh | Bhutan | Bông-kó͘ | Brunei | Cyprus | Hân-kok | Hayastan | Hui-li̍p-pin | Iok-tàn | Ìn-nî | Ìn-tō͘ | Iran | Iraq | Í-sek-lia̍t-kok | Ji̍t-pún | Kampuchea | Kazakhstan | Kuwait | Kyrgyzstan | Lao-kok | Lebanon | Lō͘-se-a | Má-lâi-se-a | Maldives | Myanmar | Nepal | Oa̍t-lâm | Oman | Pakistan | Qatar | Sakartvelo | Saud ê A-la-pek | Sin-ka-pho | Sri Lanka | Syria | Tâi-oân | Tajikistan| Tang Timor | Thài-kok | Tiâu-sián | Tiong-kok | Türkiye | Turkmenistan | Uzbekistan | Yemen |
||
| Kî-thaⁿ ê léng-thó·: Filastiniyya | Hiong-káng | Ò-mn̂g | ||
