澳門
出自維基百科，自由嘅百科全書
|
|||||
 |
|||||
| 簡稱：葡文Macau，英文Macao | |||||
| 正式語文 | 中文（包括粵語同普通話）同埋葡萄牙文（葡萄牙語） | ||||
| 行政長官 | 何厚鏵 | ||||
| 面積 - 總面積 - 水域面積百分比 |
(未排名) 27.5平方公里 0% |
||||
| 人口 - 總人口（2005年） - 人口密度 |
(未排名) 482,000 16,921/平方公里 |
||||
| 成立 - 日期 |
1999年12月20日 政權由葡萄牙移交中國 |
||||
| 貨幣 | 澳門元(PATACAS)(MOP) (大部份店舖都接受港幣HKD) |
||||
| 時區 | UTC +8（東八區） | ||||
| 國際域名縮寫 | .mo | ||||
| 長途電話代碼 | 853 | ||||
| 市花 | 蓮花 | ||||
 |
|||||
中華人民共和國澳門特別行政區，簡稱澳門，係中華人民共和國兩個特別行政區之一。由三個部份組成：同中國大陸連接嘅澳門半島、位於珠江口南中國海上嘅氹仔島同路環島（實際上呢兩個島已連成為一個島）。北面同廣東省珠海市拱北連接；西面隔海同珠海嘅灣仔以及橫琴對望。
澳門半島同氹仔島之間由三條大橋連接，分別為1974年10月啟用嘅嘉樂庇總督大橋（以當時總督名字嘉樂庇命名，俗稱澳氹大橋或舊大橋，由2005年4月8日起暫時封閉半年，進行整治工程，而家淨係恢復公共交通工具使用）、1994年3月啟用嘅友誼大橋同埋2005年1月9日啟用嘅西灣大橋（亦都係澳門唯一一條可以雙層行車嘅全天候大橋）。此外仲有蓮花大橋，連接由路、氹兩島間嘅小海峽填海而成嘅路氹城同埋珠海市橫琴島，係第二個同中國大陸連接嘅口岸。東面就同另一個特別行政區──香港──相隔60公里 (好天嘅時候可以望到香港大嶼山)，中間以珠江口相隔；而計劃興建嘅港珠澳大橋一端將會喺澳門東北角嘅東方明珠相連接。
澳門除咗內港碼頭同埋位於新口岸嘅港澳碼頭之外，喺1995年11月，位於澳門氹仔東側嘅澳門國際機場正式營運，據機場資料顯示：澳門國際機場2005年全年客運量為425萬高峰人次，特區政府會斥資60億澳門元填海擴建用來增加客運量，機場主要與內地城市同埋亞洲主要城市有航班往來。
澳門已經喺2005年10月底舉辦完第四屆東亞運動會，其中主場館「澳門蛋」喺2005年7月開幕。除此以外，澳門多個建設亦紛紛動工或者已經落成，好似已經開幕嘅漁人碼頭、科學館(設計中)、「澳門蛋」隔籬嘅Hello Kitty land主題公園同埋酒店等旅遊設施。
目錄 |
[編輯] 歷史
- 主文： 澳門歷史
澳門喺明代史書中記載稱為「蠔鏡」（濠鏡），澳門當時係葡萄牙同中國貿易嘅主要補給港口。葡萄牙人登陸澳門之後，問當地人呢度地名叫乜嘢，因為喺媽閣廟旁邊，當地人以為佢哋問嗰間廟於是就回答「媽閣」，就噉樣澳門便被命名為「Macau」（粵語「媽閣」葡萄牙文譯音）。澳門原本屬於廣東省香山縣（今中山市）。1557年，葡萄牙人向當時明政府取得居住權，成為第一批進入中國嘅歐洲人。最初由果亞親王管轄，1623年，葡萄牙政府委任馬士加路也為首任澳門總督。
澳門歷史上以中西文化交流馳名於世，亦曾經喺世界經濟嘅運轉中發揮重大作用。
1844年9月20日，葡萄牙女王瑪麗亞二世宣佈澳門為「自由港」；1849年，葡萄牙停止向中國交澳門地租。1851年，葡萄牙佔領氹仔。1864年，葡萄牙再佔領路環。1883年，葡萄牙再佔領望廈、青洲。1887年，當時嘅葡萄牙政府方使清政府先後簽訂《中葡會議早約》同《中葡和好通商條約》，規定「葡國永駐管理澳門以及屬澳之地與葡區治理它處無異」。1896年，葡萄牙企圖再佔領附近嘅大小橫琴島，但唔成功。1908年，葡萄牙要求展界，並劃定澳門嘅界址。1961年，葡萄牙海外部確定澳門為旅遊區，特准設賭。同年澳門政府頒佈《承投賭博娛樂章程》。喺1974年澳門首條陸路連接工具──澳氹大橋落成啟用時，民間或運輸往來兩離島同灣仔皆只有船隻，曾有航班設立。
葡萄牙人喺澳門一直擁有特權或者特殊地位，咁樣令到普遍居民有大小程度嘅不滿；從1849年8月29日沈志亮殺害亞馬留總督始，直到1966年12月3日因為文化大革命以及氹仔坊眾學校事件而觸發嘅「一二‧三」事件，顯示民間對葡萄牙人喺澳門嘅特權一直深感不滿。1974年4月25日底葡萄牙革命成功，新政府實行非殖民地化政策，承認澳門唔係殖民地，而係中國嘅領土。中葡兩國政府喺1986年開始為澳門問題展開合共四輪談判並喺1987年4月13日，兩國總理喺北京簽訂《關於澳門問題的聯合聲明》以及兩個附件。聯合聲明話，澳門地區（包括澳門半島、氹仔島和路環島）係中國嘅領土，中華人民共和國會喺1999年12月20日對澳門恢復行使主權，而1993年3月31日喺北京，由全國人大通過並經當時國家主席江澤民頒佈嘅《澳門特別行政區基本法》（共九章145條另加三附件）成為相當於澳門嘅「憲法」。
1999年12月20日零時喺澳門新口岸交接儀式會場（已清拆，現分別改建為「文化中心廣場」及「澳門回歸賀禮陳列館」），由中、葡兩國元首見證與澳門第127任總督韋奇立和任澳門特區行政長官何厚鏵交接澳門政權，翌日朝早澳門群眾歡迎駐澳門解放軍之下，中華人民共和國正式恢復對澳門行使主權。根據《基本法》，澳門特區行政長官每任期為五年，最多可連任一次。
[編輯] 地理
- 主文： 澳門地理
澳門特別行政區位於中國東南部沿海，地處珠江口西岸，北迴歸線以南，由澳門半島、氹仔（古稱潭仔）同路環兩個小島組成。（據地圖繪製地籍局測量，東望洋山眺望台望遠鏡旁邊嘅石柱參考地理坐標：北緯22°11'47"、東經113°32'58"，標高91.2米），澳門最高處為路環疊石塘山山頂，即而家媽祖像座落處（標高172.4米）。
2003年統計嘅澳門面積為27.5平方公里（三個島嶼加上填海總和），由1866年開始澳門不斷進行填海（1840年澳門半島面積只有2.78平方公里）；人口方面：據統計暨普查局資料，截至2005年9月30日的居住人口估計為482,000人，以華人為主，佔總人口嘅97%，葡萄牙人（包括在澳門土生土長嘅葡人）同埋其他外國人則佔3%。中文同葡文係現行嘅官方語言。居民日常生活用語為粵語。大部分居民識普通話，另外仲有一部份祖籍福建嘅居民識閩南話。此外英語喺澳門作為商業及旅遊用語同埋部分學校嘅教學語言而流行。
澳門屬季風區及夏季多雨暖溫帶氣候，每年以十月中旬至十二月天氣最好同最穩定，陽光充沛之餘唔會太炎熱，濕度唔高，最為舒服。澳門春季唔明顯，五月底初夏時受海洋性氣候影響，炎熱潮濕吹西南風仲時常有熱帶氣旋（即颱風）或者西南季風低壓槽帶來嘅長時間暴雨，十月秋季來臨，十一月底天氣轉涼，而北方冷空氣亦準備喺12月入侵，成一波波寒流，寒流（或稱冷鋒）來臨前後數小時氣溫可急降逾十度之多，所以常常喺年初兩個月錄得該年最低氣溫。
[編輯] 政治
- 主文： 澳門政治
澳門嘅政治環境比較簡單，除咗因為中國對澳門嘅影響自「一二·三事件」以來已經主導咗當地社會生活之外，亦都因為澳門承襲咗葡萄牙嘅比例代表制有關。比例代表制容許立法會以每隊參選隊伍所得到嘅票數比例去決定議席點樣分配，使到主流意見同埋另類意見都可以同時有代表佢哋嘅聲音。
[編輯] 分區
澳門以「堂區」作為行政區劃單位，每一個堂區以嗰區最有代表性嘅教堂作為堂區名稱。澳門而家有七個堂區，分別係：
- 澳門半島
- 花地瑪堂區（俗稱北區，包括青州、台山、黑沙環、筷子基同埋水塘）
- 聖安多尼堂區（即花王堂區，喺澳門西部，包括新橋同沙梨頭；著名嘅大三巴牌坊一帶亦都屬於本堂區之內）
- 大堂區（中區、新馬路以北部分、南灣、水坑尾、成個新口岸填海地段、東至新口岸港澳碼頭，成條環半島公路去到媽閣南端，包括澳門旅遊塔同立法會）
- 望德堂區（包括荷蘭園、東望洋山、塔石一帶）
- 風順堂區（亦稱聖老愣佐堂區，包括八十年代末進行南灣湖填海嘅成個媽閣半島，包括媽閣山、西望洋山、新馬路以南部分）
- 氹仔
- 嘉模堂區（包括氹仔島同澳門國際機場）
- 路環
- 聖方濟各堂區
另外，填海中嘅路氹城現時並唔屬於任何一個堂區。
[編輯] 經濟
- 主文： 澳門經濟
澳門主要收入來自旅遊業同博彩業（即賭博）。2002年，博彩業收入提供四成以上嘅國民生產總值，而2004年度財政總收入嘅七成半來源於賭博專營權之直接稅收。
1950年代至1970年代，爆竹、火柴同神香為澳門三大傳統手工業（各有大小工場以及山寨廠等形式）。踏入1970年代，製衣、針織、彩瓷、電子、玩具同人造花等行業取代上述傳統手工業支配咗澳門經濟。到1980年代，因為配額制度關係，紡織品（多為出口成衣）同埋新興產業包括其他輕工業（例如玩具、人造花和電器產品）佔較重要地位，美、法同前西德係澳門嘅出口大國。
但自1993年下半年起內地宏觀調控，物業市場轉冷，曾經有唔少空置嘅未開工地盤充斥喺澳門半島新口岸區，嗰區有唔少「爛尾樓」同空置商用樓宇。紡織業紛紛北上設廠同時關閉澳門廠房以減少工資成本，加上回歸前治安唔好同埋金融風暴，當時澳門經濟幾乎停滯不前，1996年至1999年更經歷咗經濟負增長（最多達-4.6%，1998年）。
自特區成立後，改善治安之餘，澳門定位為博彩旅遊業發展嘅城市，而且2003年內地開展港澳個人遊方式來澳門後，內地居民來澳更為方便。根據澳門統計普查局資料，2005年本澳入境旅客總數為1,871萬人次，較2004年上升12.2%。旅客主要來自中國大陸（佔總數55.9%，當中50.95%為個人遊）、香港（佔總數30%）和台灣（佔總數7.9%）。對外貿易方面，據經濟局資料：2005年全年總出口貨值為198.2億澳門元，較2004年下跌12.1%，出口產品以紡織、成衣類為主，出口貨值下跌15.1%至180.7億澳門元，佔整體出口貨值77%，非紡織品出口方面以機器設備與零件及鞋類為主；而進口則上升12.3%，達313.4億澳門元，貿易逆差為115.2億澳門元。進口商品以消費品、原料及半製品居多，主要貿易夥伴包括有美國、歐盟、中國內地、日本同埋香港等。
由於2004年帶動澳門經濟強勢增長嘅行業主要都係博彩旅遊業，然後帶動埋建築業、服務性行業、餐飲業同保險業都略有增長。咁對於過度依賴單一產業驅動經濟發展嘅澳門存有隱憂；最先出現喺人力資源暫時短缺方面，衍生一批低學歷嘅人員暫寄居喺娛樂場工作內；另一方面由於經濟強勢長下物價開始飛漲，近年亦開始有炒賣旺區物業嘅現象，而唔少港資地產公司紛紛喺澳門設立分公司，而港資化妝品公司、便利店等最近亦大舉喺澳門開設分店，呢種現象係過去前所未見嘅，特區政府喺2005年提高咗投資移民嘅申請資格後，投資移民申請個案減少超過七成，但只能小程度上竭止炒風。
但由於賭權嘅開放對像係外資，呢種情況喺本地生產總值同人均本地生產總值嘅數據中係睇唔到嘅，換言之，本地居民收入並非同人均本地生產總值同步增長（據2005年4月23日《華僑報》社論觀點）；北區大部分低收入居民生活質素未能跟上逾三成高速增長帶來嘅通漲，生活質素出現倒退狀況。特區政府喺2005年3月1日設立「綜合生活素質研究中心」以助整體提高生活素質。該中心除咗同社會各界舉行多場諮詢會以及舉辦同生活質素有關嘅講座之外，已委託香港大學進行第一輪澳門居民綜合生活素質調查。並喺12月15日公布中期調查報告。有輿論認為，該中心現在仍停留喺探索階段，未見較大成效。
[編輯] 博彩業
- 主文： 澳門博彩業
澳門的博彩業於1847年在葡萄牙的管治之下開始合法化，自此以後，澳門以「東方蒙地卡羅」之名廣為世界所知，博彩業更成為了澳門經濟的重要一部份。第一個博彩專營權牌照於1937年發給了泰興娛樂公司，但該公司的經營卻太保守，未能完全發揮博彩業的經濟潛能。當時該公司只有中式的博彩項目提供。到了1962年，政府將所有形式的博彩的專營權牌照改發給澳門旅遊娛樂有限公司（簡稱澳娛，英文簡稱STDM）。牌照於1986年續期十五年，於2001年末屆滿。
2002年，澳門特別行政區政府不再發出博彩專營權，改為向三家公司發出博彩經營權牌照，分別是澳門博彩股份有限公司（簡稱澳博，是STDM的子公司），永利度假村（澳門）股份有限公司，和銀河娛樂場股份有限公司（已被收購，現屬銀河娛樂集團有限公司名下）。其中澳博將牌照轉批給美高梅金殿超濠股份有限公司（美高梅）；銀河轉批給威尼斯人（澳門）股份有限公司，即三個賭牌五個經辦商，現時澳博正營運十六間賭場；銀河正營運兩間賭場；威尼斯人正營運一間賭場；永利及美高梅未有賭場營運。另2006年3月5日永利公司宣佈將澳門博綵牌照轉批給予新濠博亞娛樂有限公司(簡稱：新博)，唯有待澳門特區政府批准。
博彩業在澳門的經濟中扮演著重要的角色。很多遊客喜歡在澳門賭博，亦有很多本地人經常出入賭場。總的來說，博彩業在澳門可以分成五大類：賭場賭博、賽馬、賽狗、彩票和足球博彩。
[編輯] 文化與節日
[編輯] 文化遺產
包含22座建築同埋8個廣場、前地嘅「澳門歷史城區」已經喺2005年7月15日列入世界文化遺產名錄。
[編輯] 2006澳門世界遺產年
澳門旅遊局同文化局將2006年定為「2006澳門世界遺產年」，並合辦多項文化以及促銷活動，向全世界宣傳。而旅遊局亦考慮喺暑假延長呢啲旅遊景點嘅開放時間，方便遊客。活動已於2月18日喺大三巴牌坊正式啟動。吸引包括中國內地、香港、台灣、日、韓、歐、北美及澳洲遊客重臨澳門。
[編輯] 節假日
| 日期 | 名稱 | 備註 |
|---|---|---|
| 所有星期日 | -- | -- |
| 1月1日 | 公曆新年 | -- |
| 春節 | 農曆正月初一至初三(共3天) | 公曆1月下旬至2月上旬。春節喺中國民間亦都叫做過年、農曆新年 |
| -- | 清明節 | 通常在公曆4月4日﹑5日或6日，節氣清明當日。係傳統掃墓祭祖之日 |
| -- | 耶穌受難日 | 通常喺公曆3月尾至4月中旬 |
| -- | 復活節前日 | 通常喺公曆3月尾至4月中旬 |
| 5月1日 | 勞動節 | -- |
| 農曆四月初八 | 佛誕 | 通常喺公曆5月 |
| 農曆五月初五 | 端午節 | 通常喺公曆5月尾至6月期間 |
| 農曆八月十六 | 中秋節翌日 | 通常喺公曆9月至10月初期間 |
| 10月1日 | 國慶日 | -- |
| 10月2日 | 國慶日翌日 | -- |
| 農曆九月初九 | 重陽節 | 通常喺公曆10月 |
| 11月2日 | 追思節 | -- |
| 12月8日 | 聖母無原罪瞻禮 | -- |
| 12月20日 | 澳門特別行政區成立日 | -- |
| -- | 冬至 | 通常喺公曆12月21日或22日，節氣冬至當日。 |
| 12月24日 | 聖誕節前日 | 俗稱「平安夜」 |
| 12月25日 | 聖誕節 | -- |
[編輯] 地方特色
- 澳門嘅街道名牌，以葡萄牙嘅瓷磚畫（azulejos）藝術作為藍本。其藍色同白色嘅主調，配以中文同葡萄牙文嘅街道名稱，成為咗澳門嘅地方特色之一。喺葡萄牙管治時期，街道名牌嘅葡文名稱一般佔咗名牌四分之三嘅面積，中文則佔四分之一。澳門特別行政區成立以後，將街道名牌嘅設計修改，中葡文街名各佔名牌面積嘅一半，中文喺上，葡文喺下。而街道嘅中文名稱亦都由原來嘅直書改為橫書。目前民政總署正逐步更換澳門嘅街道名牌，其中氹仔同路環嘅街道名牌已經全部改用新設計，澳門區舊有嘅街道名牌設計亦都逐漸減少。
- 澳門有唔少名字冗長嘅街道名稱，喺華語地區來講係十分罕見。呢啲街名大多以葡萄牙軍官政要，或歷史人物嘅名字命名，然後以粵語音譯出來。比較多人認識嘅有：沙嘉都喇賈罷麗街、士多紐拜斯大馬路、爹美刁斯拿地大馬路、華士古達嘉馬花園等。另外有啲主要街道嘅原名好冗長，大家習慣另外改個較易記嘅名字甚至令到大家忘記原名。如俗稱新馬路嘅亞美打利庇盧大馬路、俗稱荷蘭園正街或荷蘭園大馬路嘅肥利喇亞美打大馬路、俗稱提督馬路嘅罅些喇提督大馬路等。亦都有一啲以街名嘅諧音而衍生嘅謔稱，例如將沙嘉都喇賈罷麗街叫做「沙煲罌罉街」、巴素打爾古街叫做「巴素打你屁股街」等。
[編輯] 演藝
- 見澳門歌手列表
[編輯] 宗教
澳門多數居民同其他華人社會一樣，以儒、釋、道以及民間神祇為信仰 (觀音同埋媽祖特別流行)。
天主教澳門教區成立於1576年1月23日，首任主教為賈尼勞(仁慈堂創辦人)。首位華人主教為林家駿主教。現任主教為黎鴻昇，係首位澳門土生土長嘅華人主教。由於回歸前大量土生葡人返回葡萄牙，教友以華人為主。
聖公會維多利亞教區成立於1849年，管轄範圍包括澳門。中華聖公會港粵（後稱華南）教區成立於1912年，管轄範圍包括廣東、香港同埋澳門。1951年因為中國大陸政局轉變，香港以及澳門嘅聖堂脫離中華聖公會港粵教區，成立聖公會港澳教區。而家由香港聖公會教省取代，喺1998年成立香港聖公會澳門傳道地區。
澳門亦都係基督新教喺中國嘅第一站。
[編輯] 教育
- 主文： 澳門教育
[編輯] 高等院校
- 澳門大學（舊稱東亞大學）
- 澳門理工學院
- 澳門旅遊學院
- 聯合國大學國際軟件技術研究所
- 亞洲（澳門）國際公開大學
- 澳門保安部隊高等學校
- 澳門科技大學
- 澳門鏡湖護理學院
- 歐洲研究學會
- 澳門高等校際學院(iium)
- 澳門管理學院
- 中西創新學院
[編輯] 語言和文字
- 廣東話（同香港一樣、廣東話通常係指粵語嘅廣州話）為澳門社會通用語，喺平民日常生活、工作，政府辦公，學校教育，新聞傳媒，文化娛樂中廣泛使用；葡萄牙語多數喺政府、法律部門以及與葡萄牙有關連嘅商戶或書店、社區流行；而旅遊景點為方便向外來遊客解說，考慮到溝通問題，亦會並用廣東話、英語、普通話。
- 澳門採用傳統繁體中文。由於同香港一樣，廣東話喺社會上佔絕對優勢，香港增補字符集亦都喺澳門使用。
- 澳門民間經常採用接近廣州話口語嘅粵語白話文。例如「下車」寫成「落車」，「起卸貨物」寫成「上落貨」等。
- 澳門土語(Macanese)係一種由葡文、馬來語、粵語、英文、古葡文以及少許荷蘭文、西班牙文同埋意大利文混合而成嘅澳門方言，葡文叫「巴度亞」(Patuá)，曾經係澳門土生葡人常用嘅一種語言。目前該語言已幾乎絕跡。澳門最後一位以澳門土語進行創作嘅土生葡人作家係若瑟·山度士·飛利拉。
[編輯] 姐妹城市
[編輯] 參看
- 澳門人口
- 澳門通訊
- 澳門交通
- 澳門軍事
- 澳門的觀光景點
[編輯] 連結
- 澳門特區門戶網站
- *澳門特區政府新聞局（繁體中文版）
- 澳門印務局
- 澳門城市指南
- 澳門旅遊局
- 澳門格蘭披治大賽車網站
- 政權交接儀式
- 澳門廟宇與節誕
- MacuHub - 中國與葡語國家和地區經貿資訊網（簡體中文版）
- 澳門的姊妹城市
- 澳門旅館
| 中華人民共和國省級行政區劃 |  |
||||||||
|
|||||||||
