香港行政會議
出自維基百科，自由嘅百科全書
|
|
|---|
| 本文屬香港政治系列 |
|
|
|
主權移交後政制改革 |
|
|
|
|
歷史 - 地理- 教育 香港主題 |
行政會議(簡稱行會，英文:Executive Council, ExCo)係幫香港特別行政區行政長官手決策嘅最高官方機構，由香港特別行政區行政長官擔任主席，同時自行任命成員。而家總共有三十位成員，包括行政長官、十四位現職問責官員（官守成員）同十五位非官方人士（非官守成員）。
香港基本法規定，行政長官喺做任何重要嘅決策之前，都一定要徵詢行政會議嘅意見。好多人都將行政會議當做歐美國家嘅內閣咁睇，但係由於行政會議並唔係以少數服從多數嘅準則嚟做決定，所以即使大部份成員都反對，最後嘅決定權仍然喺返行政長官手上。因為咁，所以行政會議較接近嘅應該係行政長官嘅智囊團，而唔係內閣。
目錄 |
[編輯] 歷史背景
行政會議嘅前身行政局係香港殖民地時期香港政府最高嘅決策機構，由港督主持，邀請知名社會人士擔任成員（當時叫做議員），通常有十幾人。重要政策都需由香港總督會同行政局通過咗先至可以執行。行政局有四個當然議員[1]，包括布政司、財政司、律政司同埋英國駐港三軍司令（直到1991年），其餘由港督委任。議員分為官守（即係擔任緊官職嘅意思）同非官守兩類。
行政局成員需要遵守保密制同集體負責制：即係話政策未決定之前所有嘢都要保密；而政策決定咗之後，所有成員都要公開支持份政策。呢種制度喺行政會議中仍然保留，但有唔少人，包括現任成員都覺得呢種制度有需要檢討；而近年亦有一啲咁嘅例子，就係同時作為立法會議員嘅行政會議成員會違反集體負責制，公開反對政府政策。
[編輯] 現任成員
根據香港基本法，行政會議唔會好似行政局咁有當然議員；所有成員嘅任免都係由行政長官決定。
[編輯] 主席
[編輯] 官守成員
- 許仕仁，政務司司長
- 唐英年，財政司司長
- 黃仁龍，律政司司長
- 孫明揚，房屋及規劃地政局局長
- 李國章，教育統籌局局長
- 俞宗怡，公務員事務局局長
- 何志平，民政事務局局長
- 葉澍堃，經濟發展及勞工局局長
- 廖秀冬，環境運輸及工務局局長
- 馬時亨，財經事務及庫務局局長
- 林瑞麟，政制事務局局長
- 李少光，保安局局長
- 王永平，工商及科技局局長
- 周一嶽，衛生福利及食物局局長
[編輯] 非官守成員
- 梁振英，行政會議非官守成員召集人、中國人民政治協商會議全國委員會常務委員會委員
- 曾鈺成，民主建港協進聯盟會務顧問、香港立法會議員
- 鄭耀棠，香港工會聯合會會長
- 周梁淑怡，自由黨副主席、香港立法會議員
- 廖長城，資深大律師
- 史美倫，香港科技大學校董
- 陳智思，香港立法會議員
- 夏佳理，香港賽馬會前主席
- 李國寶，東亞銀行主席、香港立法會議員
- 李業廣，香港交易所主席
- 張建東，香港交易所董事
- 范鴻齡，中信泰富董事總經理
- 羅仲榮，香港科技園主席
- 梁智鴻，安老事務委員會主席
- 張炳良，香港城市大學教授
[編輯] 外部連接
[編輯] 註釋
- ^ 當然議員即係英文嘅 "Ex-Officio"，意思係指喺某一個圈子入面最大嗰位人兄，例如喺政府某個部門最大嗰位就會成為“當然議員”。又以區議會為例，喺“鄉事委員會”入面，主席最大，所以鄉事委員會主席就會自動成為區議會“當然議員”。
