Bennwil

Us der alemannische Wikipedia, der freie Dialäkt-Enzyklopedy

Wappe

Basisdate
Kanton:	Basel-Landschaft
Bezirk:	Waldeburg
BFS-Nr.:	2882
PLZ:	4431
Koordinate:	47° 24' n. Br. 7° 47' ö. L.
Höchi:	515 m ü. M.
Flächi:	6.51 km²
Iwohner:	633 (30.September 2006)
Websyte:	[1]
Charte

Technische Yschränkung:
Dr koräkt Titel wär: »Bämbel«

Dialäkt: Baseldytsch

Bämbel (hochdytsch Bennwil) isch e politischi Gmeind im Bezirk Waldeburg vom Kanton Basel-Landschaft in dr Schwiiz.

[ändere] Lag

Bämbel ligt uf 515 m. ü. M. inere glaine Sänki zwische em Waldeburger- und Diegtertal. Sini Nochbergmeinde heisse Höllschtä, Niederdorf, Oberdorf, Langebrugg, Eptige und Diegtä. D Gmeind isch vo Höllschtä per Bus, wo durchs Gürbletäli fahrt, erreichbar. In Höllschtä haltet s Waldeburgerli, wo vo Lieschtel kunnt.

[ändere] Wappen

S Wappe zeigt es silbrigs Lämmli mit emene rote Heiligeschiin um e Kopf. S Lämmli treit e goldigi Stange miteme Kryz, wo e silbrigi Fahne mit eme rote Kryz agmacht isch. S Wappe erinnert an die ehemoolig Beziehig zem Benediktinerkloschter Schöntel z Langebrugg.

[ändere] Gschicht

S Dorf isch im 8. Joorhundert vo de Alemanne grindet worde. 1189 isch Bämbel s'erscht Moll als Bendewilere erwähnt worde, wo's dr Graf Hermann II. vo dr Frohburg em Kloschter Schöntel gschänggt hett. Wos Kloschter 1528 uffghobe worde isch, isch s Dorf an Basel ybergange. En Dorfbrand 1617 hett d Chile, acht Wohnhyser und zwei Schüüre zersteert.

[ändere] Sehenswürdigkeite

Chile, 1670 neu erbaut
E Taufbecki us em 15. Joorhundert uss Messing, e Gschänk vom Kloschter Schöntel
S Spitteler-Dänkmool uff em Dorfplatz vo 1948, en Findling uss de Walliser Alpe.
Baselbieter Spycher (Schüre) us em 16. Joorhundert
Dorfmuseum mit riichhaltiger geologischer und historischer Abteilig und emene funktionierende Wäbstuehl