Arboldswil

Us der alemannische Wikipedia, der freie Dialäkt-Enzyklopedy

Wappe

Basisdate
Kanton:	Basel-Landschaft
Bezirk:	Waldeburg
BFS-Nr.:	2881
PLZ:	4424
Koordinate:	47° 25' n. Br. 7° 43' ö. L.
Höchi:	630 m ü. M.
Flächi:	3.48 km²
Iwohner:	517 (31. Dezember 2005)
Websyte:	www.arboldswil.ch
Charte

Technische Yschränkung:
Dr koräkt Titel wär: »Arbetschwyl«

Dialäkt: Baseldytsch

Arbetschwyl (hochdytsch Arboldswil) isch e politischi Gmeind im Bezirk Waldeburg vom Kanton Basel-Landschaft in dr Schwiiz.

[ändere] Lag

Arbetschwyl ligt uff 628 m. ü. M. uff emene Hochplato zwische Waldeburger und Reigetschwylertal im Südoschte vom Kanton. Siner Nochbergmeinde sin Ziefe, Reigetschwyl, Ditterte, Niiderdorf und Buebedorf.

[ändere] Wappe

S Wappe stammt vo 1944. Es isch en griene Dreiberg, drüber e silbrigi Muure mit Zinne. Über alles schiint e goldigi Sunne. Dr Hintergrund isch blau. S Wappe symbolisiert s Woorzeiche vo Arbetschwyl, d Chaschteflue, vo wo me en tolle Usbligg hett.

[ändere] Gschicht

Fund uss dr jingere Staizyt und uss dr Zyt vo de Reemer belegge, ass scho frie z'Arbetschwyl Lyt vrby ko sin. 1226 isch dr Ort als Arboltswilre s'erschti Moll urkundlig niidergschribe. Es hett bis 1366 de Froburger gheert und isch denne 1400 a d Stadt Basel ko.

[ändere] Wirtschaft

D Gmeind läbt zumene grosse Teil no immer vo dr Landwirtschaft. Es hett aber au e bizz KMU und lokals Gwärb. D Buslinie 71 vo dr AAGL fiehrt vo Lieschtel yber Bubedorf noch Arbetschwyl und witter noch Reigetschwyl. Mit nur ca. eim Bus allli zwei Stund und praktisch gar keine Verbindige am Obe und am Sunntig isch d Gmeind ehnder schlächt agschlosse, isch aber halt au nid bsunders gross

[ändere] Sehenswürdigkeite

Sehenswürdig isch Arbetschwyl nid vill me als anderi äänligi Deerfer, allerdings isch dr Blick, wo me vo dr Chaschteflueh Richtig Schwarzwald hett, sehenswürdig. D Chaschteflueh isch dr heggschti Punkt vor Gmeind und hett friener als Standort vom Mäldefyyr dient.