Franken (Volk)
Us der alemannische Wikipedia, der freie Dialäkt-Enzyklopedy
D'Franke sind es Weschtgermanisches Volch gsii wo i de Völkerwanderig im 4. Jh. usem Friesland is Römischi Riich ddrunge sind, und es Riich gschaffe händ, wo Teil vom hüttige Frankriich und em tüütsche Franken umfasst händ. Iri erschti Dynastie sind d'Merowinger gsii, und die händ sich vo de Sicambri härgleitet. Si händ prichted, das si ire Name ggändered hegid, nach emene Aafüerer namens Franko, wo d'Sicambri nachere Niderlag gäge d'Römer 11 v. Chr. über de Rii umgsidled worde segid. D'Herrschaft vo de Karolinger hät im 751i aagfange mitem Pippin em Churze, em Vatter vom Karl em Grosse.
