Maurya
Us der alemannische Wikipedia, der freie Dialäkt-Enzyklopedy
D Maurya (Sanskrit, मौर्य Maurya; Pali: Moriya) isch en altindische Dynasti gsii, wo zwüschet 320 v.Chr. und 180 v.Chr. gherrscht hett. S Machtzentrum vom Riich vode Maurya isch Magadha gsii. Die erste drüü Herrscher hend s Riich über fast ganz Indie, Pakistan und Afghanistan uusbraitet.
Em bekanntiste sind de Candragupta und de Ashoka. De erst isch de Begründer vode Mauriya-Dynasti gsii und het gege de Alexandr de Grossi kämpft ghaa und spöter het er Kontakt mitem König Seleukos ghaa. I de griechische Literatur werd er Sandrakottos gnennt. De Ashoka isch bekannt, wel er sich zum Buddhismus bekennt het und a dere Religion zum grosse Durchbruch verholfe het.
Mit de Ermordig vom König Brihadratha um 180 v.Chr. het d Mauriya-Dynasti sis Endi gfunde. Sin Mörder, de General Pushyamitra isch denn König und Begründer vode Shunga-Dynastie worde.
[ändere] D König vo de Maurya-Dynasti
Die genaue Jooreszaale schwanket bis um füüf Joor. D Näme sind uf Sanskrit agee.
- 320-295 v.Chr.: Candragupta Maurya (Pali: Candagutta, Griechisch: Sandrakottos)
- 295-270 v.Chr.: Bindusāra (Pali: Bindusāra, Griechisch: Amitrochates)
- 270-235 v.Chr.: Aśoka Priyadarosi (Pali: Asoka Piyadassi, Griechisch: Piodasses)
- 235-225 v.Chr.: Kuṇāla (oder Kuśāla) und Daśaratha (Pali: Kunāla & Dasaratha)
- 225-215 v.Chr.: Samprati
- 215-205 v.Chr.: Śāliśūka
- 205-195 v.Chr.: Devadharman (oder Somaśarman)
- 195-190 v.Chr.: Śatadhanus (oder Śatadhanvan oder -dhara )
- 190-180 v.Chr.: Bṛhadratha
[ändere] Literatur
- Hermann Kulke und Dietmar Rothermund: Geschichte Indiens, Kohlhammer Verlag, Stuttgart 1982.
