Volksrepublik China
Us der alemannische Wikipedia, der freie Dialäkt-Enzyklopedy
|
|||||
| Amtssproch | Mandarin¹ | ||||
| Hauptstatt | Peking (Beijing) | ||||
| Staatsoberhaupt | Hu Jintao | ||||
| Regiärigschef | Wen Jiabao | ||||
| Flächi | 9.572.419 km² (3.) | ||||
| Iwohnärzaal | 1.306.313.812 (1.) (Juli 2005 geschätzt) |
||||
| Bevölkärigsdichti | 136,5 Iw. pro km² (54.) | ||||
| BIP - Total (PPP) - Total (Nominal) - GDP / Iw. (PPP) - GDP / Einw. (Nominal) |
2005 (geschätzt) $8,091 Billionen (2.) $1,84 Billionen (6.) $6.193 (97.) $1.400 (111.) |
||||
| Gründig | 1. Oktober 1949 | ||||
| Währig | Renminbi | ||||
| Ziitzonä | UTC+8 = MEZ+7 | ||||
| Nationalhymnä | Marsch vo dä fraiwilligä | ||||
| Intärnet-TLD | .cn | ||||
| Vorwaal | +86 | ||||
| (¹) Englisch und Kantonesisch beziehungswis Portugiesisch sind zusammen mit Mandarin Amtssprachen in den Sonderverwaltungszonen Hongkong und Macao. | |||||
 |
|||||
D`Volksrepublik China isch ä Land z`Oschtasie.
D`Volksrepublik China (Rotchina) grenzt a 14 Staatä: d'Mongolei, Nordkorea, Nepal, Kasachschtan, Russland, Kyrgyzschtan, Tadschikischtan, Indie, Pakischtan, Afghanistan, Bhutan, Myanmar (ehemols Burma), Laos und Vietnam. Wenn mä Taiwan däzuäzellt sinds sogar 15 Staatä. China hät ä Flächi vo 9.572.419 km². Schätzigä zofolg (Juli 2005) hät Rotchina meh als 1.3 Milliardä Iwohnär. D'Hauptschdadt vo China isch Peking (北京; pīnyīn: Běijīng). Ca. 800 Millionä Chinesä redäd Mandarin-chinesisch.
As git zwai China. S'erschte China isch d'Volksrepublik China (Rotchina, oder Feschtlandschina, wo mer üblichärwis dämit mainäd) und s'andere China isch d'Republik China (d.h. d'Inslä Taiwan, dä ältärä Lüüt bessär als "Formosa" bekannt). Früänär (undär dä kaisärrich) hend diä baidä Chinas ämol zämöghört. Doch noch äm zwaitä Wältchriäg (wo d'Kolonisatorä usägworfä hät) hät's än Bürgärchriäg zwüschät dä (hauptsächlich armä) Kommunischtä (undär dä Füärig vom "Buuräfuärär" Mao Zedong, mengmol au Mao Tse-tung gnännt) und (dä hauptsächlich richä) nationalistischä Kuomintang (undär äm General Chiang Kai-Shek (蔣介石, Pinyin-Umschrift: "Jiǎng Jièshí")) geh. D'Kommunischtä sind us dem Chriäg als Sigär uf äm Feschtland usägangä, allärdings hät sich d'Regiärig undär äm Chiang Kai-Shek uf d'inslä Taiwan (台灣; pīnyīn: Táiwān) zrugzüchä chönnä. Am 1. Oktobär 1949 hät dä Mao Zedong d'Volksrepublik China proklamiärt und hät ä kommunischtische Schtaat ärrichtät. Dämit isch zwor d'Unabhängigkait vo China widärhägestellt gsi, jedoch hät di teilwiis desaströsi Politik vo Mao und Konsortä dutzändi vo Millione vo Menschäläbä koschtät, wiä zum Bispiil im "grossä Schprung noch vornä" odär dä sogenanntä "Kulturrevolution".
