Berdadera Ilesia de Chesús
De Biquipedia
A Berdadera Ilesia de Chesús ye una ilesia independién que fue establida en Pekín (China) en 1917. O predicador Yung-Ji Lin ye o presidén eslexito d'a asambleya internazional d'ista ilesia. Bi ha alto u baxo 1,5 millons de miembros en seis continens. A ilesia forma parti d'a branca pentecostal d'o cristianismo que emerxió á prenzipios d'o sieglo XX. A ilesia tamién se chune á la teolochía d'os Pentecostals Unizitarios (“Nomás Chesús”).
Contenius |
[Editar] As zinco dotrinas prenzipals
As zinco dotrinas d'a Berdadera Ilesia de Chesús:
[Editar] 1. O Esprito Santo
A recullida d'o Esprito Santo, manifestata en a charra en luengas, ye a guaranzia d'o nuestro erenzio en o reino d'o zielo.
[Editar] 2. O baltismo
O baltismo en augua ye o sacramento ta la remisión d'os pecaus ta la rechenerazión. O baltismo debe reyalizar-se en augua corrién natural, como un río, o mar, u o mananzial.
[Editar] 3. O labato de piez
O sacramento d'o labato de piez premite á la presona tener una parti con o Siñor Chesús. Tamién sirbe ta remerar que se debe tener amor, santidá, umildá, perdón y serbizio.
[Editar] 4. A santa comunión
A santa comunión ye o sacramento ta remerar a muerte d'o Siñor Chesús. Nos premite partizipar d'a carne y d'a sangre d'o nuestro siñor y ser en comunión con er ta poder tener bida perén y rebilcar en o zaguer diya.
[Editar] 5. O sabado
O díya de retantida, o sieteno díya d'a semana (seguntes ista ilesia, o sábado), ye un díya santo, bendezito y santificato por Dios. Debe estar alufrato baxo a grazia d'o Siñor ta la remeranza d'a creyazión y salbazión de Dios y con l'asperanza de discanso perén en a bida esbenidera.
