Architektur
Aus Wikipedia
 |
Der Artikl is im Dialekt „Südostobaboarisch“ gschriem worn. | |
D' Architektua is so oid wia d'Menschheit. Oda fast. Es is de Kunst, wia ma scheene Heisa baut, und se werd aa Muatta vo olle Kinst gnennt.
Architektn hom in olle Zeitn Meistaleistunga voibrocht. Bauwerk wia de Pyramidn, de Akropolis, an Stephansdom, de Arkadn in Bozn oda as Olympiazentrum in Minga kennt a jeda.
Architektua wirkt se auf uns olle aus, wei ma d'meiste Zeid in irgnd am Haus drin huckan. Je nochdem, wia guad des Haus fia sein Zweck und des lokale Klima plant is, und wia de Eirichtung mit Mebl und Liachta dazuapasst, fuit ma se dodabei guat oda net so.
Oft wead iba de neimodeane Architektua gschimpft. Es liagt aba oft ned an de Architektn, wos baut wead, sondan an de Bauherrn, und welchan Entwurf de nemman. Oft spuit dodabei Geid a Roin, weniga da Sinn fia des, wos schee is.
