Grafie Faggin-Nazzi
De Vichipedie, la enciclopedie libare dute in marilenghe.
La grafie Faggin-Nazzi e je une grafie dal furlan une vore inovative proponude da Zorç Faggin e da Gianni Nazzi. In cheste grafie a son vignudis fûr publicazions e in particolâr il Vocabolari Talian-Furlan Furlan-Talian dal 1985.
E je une grafie che e à une vore di coerence interne e che e dopre soluzion inovativis tant che lis letaris š, č e ğ. Chestis soluzions, une vore diferentis di chês tradizionals des grafiis furlanis, e son stadis ancje la critiche plui grande che i je stade fate a cheste grafie.
Tal 1996 la leç regjonâl 15 e à decretât come uficiâl la grafie proponude di Lamuela. Ancje par chest in di dì vuè a son pôcs di lôr che a doprin la grafie Faggin-Nazzi.
Indis |
[cambie] Alfabet
A, B, C, Č, D, E, F, G, Ğ, H, I, J, K, L, M, N, O, P, Q, R, S, Š, T, U, V, W, X, Y, Z
[cambie] Č
La č a ven doprade pal sun palatâl dolç denant des vocâls a, o, u. Te grafie standard si dopre il ç.
[cambie] Ğ
La ğ e ven doprade pal sun palatâl dolç denant des vocâls a, o, u. Te grafie standard si dopre il z in inizi di peraule e il ç ae fin. Par esempli viaç, zûc, zâl, zovin inte grafie uficiâl a deventin viağ, ğûc, ğâl, ğovin ta cheste grafie.
[cambie] Š
La Š e ven doprade pal digram sc talian. Cheste e je une pronuncie carateristiche di cualchi varietât dal furlan che no esist te grafie standard dulà che la Šene de grafie Faggin-Nazzie e je dome sene tal standard.
[cambie] LJ
Il digram lj al ven doprât par il trigram gli talian. Chest digram nol esist inte grafie standard.
[cambie] ČH e ĞH
I digrams ČH e ĞH a son i sun palatâls cj e gj de grafie standard.
[cambie] J
Il j al ven doprât sedi al inizi de peraule (come te grafie standard) par peraulis tant che jet, sedi dentri des peraulis pe semivocâl i. Te grafie standard dentri des peraulis no si scrîf mai j ma simpri i (par esempli inte grafie Faggin-Nazzi si scrîf nuje e in grafie standard nuie)
|
|||
|
Gramatiche | Alfabet | Storie | Lessic furlan | Toponims |
