പഞ്ചാരിമേളം

വിക്കിപീഡിയ, ഒരു സ്വതന്ത്ര വിജ്ഞാനകോശം.

പഞ്ചാരി മേളാവതരണം

തൃപ്പൂണിത്തറ ക്ഷേത്രത്തിലെ മേളം

പല വാ‍ദ്യോപകരണങ്ങള്‍ ഒന്നുചേരുന്ന കേരളത്തിന്റെ തനതായ ഒരു ചെണ്ടമേളമാണ് പഞ്ചാരിമേളം. പാണ്ടിമേളത്തിന് സമാനമായ പഞ്ചാരിമേളം ക്ഷേത്രമതില്‍ക്കെട്ടിന് അകത്തായാണ് അവതരിപ്പിക്കുക (പാണ്ടിമേളം ക്ഷേത്രത്തിനു പുറത്താണ് അവതരിപ്പിക്കുക).

പഞ്ചാരിമേളത്തില്‍ ഉപയോഗിക്കുന്ന വാദ്യോപകരണങ്ങള്‍ ചെണ്ട, കുഴല്‍, ഇലത്താളം, കൊമ്പ് എന്നിവയാണ്. ഏറ്റവും പ്രശസ്തമായ പഞ്ചാരിമേളം തൃശൂര്‍ ജില്ലയിലെ ഒല്ലൂര്‍ ഗ്രാമത്തിലുള്ള ശ്രീ ഇടക്കുന്നി ഭഗവതീക്ഷേത്രത്തിലും (മാര്‍ച്ച്-ഏപ്രില്‍ മാസങ്ങളില്‍) വൃശ്ചിക മാസത്തില്‍ (നവംബര്‍-ഡിസംബര്‍ മാസങ്ങളില്‍) എറണാകുളം ജില്ലയിലെ തൃപ്പൂണിത്തറയിലെ ശ്രീ പൂര്‍ണത്രയീശ ക്ഷേത്രത്തിലുമാണ് നടക്കുന്നത്. മറ്റ് പ്രധാന പഞ്ചാരി മേളാവതരണങ്ങള്‍ പെരുവനം, ഇരിഞ്ഞാലക്കുട കൂടല്‍മാണിക്യം ക്ഷേത്രം എന്നിവിടങ്ങളിലാണ് നടക്കുക^{[തെളിവുകള്‍ ആവശ്യമുണ്ട്]}.

പഞ്ചാരിമേളം രണ്ടു രീതിയില്‍ അവതരിപ്പിച്ചു കാണുന്നുണ്ട്. വലതു കൈയില്‍ കോലും ഇടതു കൈയ്യും ഉപയോഗിച്ചാണ് കൂടുതലായും മേളം അവതരിപ്പിക്കുന്നതെങ്കിലും രണ്ടു കൈയിലും കോല്‍ ഉപയോഗിച്ചുമുള്ള മേള അവതരണരീതിയുമുണ്ട്.