Knisja Parrokkjali
Minn Wikipedija, l-enċiklopedija ħielsa.
Knisja Parrokkjali hi dik il-knisja fil-qalba ta' raħal jew belt partikolari li taqdi l-bżonnijiet reliġjużi kollha bħal quddiesa regolari, qrar, tqarbin, għoti ta' Magħmudija, Griżma ta' l-Isqof u Żwieġ, kif ukoll issir quddiesa tal-funerali. Kull Knisja Parrokkjali ikollha l-mexxej tagħha, fejn insibu l-Kappillan jew l-Arċipriet, skond it-titlu tal-knisja parrokkjali differenti. F'kull lokalità f'Malta u Għawdex insibu Knisja Parrokkjali (barra l-Iklin u x-Xgħajra) u ġieli nsibu iżjed minn waħda skond il-kobor u l-bżonn taċ-ċittadini ta' dak il-lokal partikolari.
Kull dar fil-Gżejjer Maltin taqa' taħt Knisja Parrokkjali jew aħjar Parroċċa differenti, skond liema waħda tkun l-eqreb. Filfatt ħafna mil-lokalitajiet Maltin ġew iffurmatti peress li l-ewwel saru parroċċa waħidhom imbagħad bdew jitqiesu bħala raħal għalih. Filfatt f'Malta fis-seklu ħmistax kien hawn biss għaxar parroċċi.
L-iżjed lokal li f'Malta għandu parroċċi huma Tas-Sliema u Birkirkara b'total t'erbgħa. Ħaġa interessanti hi li l-parroċċi ta' Tas-Sliema ħarġu kollha mill-parroċċa ta' Sant' Elena ta' Birkirkira.
Hawn taħt hawn il-Knejjes Parrokkjali preżenti li ssib f'Malta u Għawdex, għax hemm knejjes parrokkjali oħra li llum m'għadhomx jitqiesu parroċċa ta' dik in-naħa minħabba ċertu raġunijiet differenti bħal dik ta' Bir Miftuħ fil-limiti tal-Gudja, li fl-antik kienet isservi ta' Knisja Parrokkjali għall-irħula tal-Gudja, Ħal-Safi, Ħal-Kirkop, Ħal-Luqa, Santa Luċija u Ħal-Tarxien li illum kollha għandhom il-parroċċa tagħhom.
[editja] Il-Knejjes Parrokkjali f'Malta u Għawdex
- Attard: Santa Marija
- Balluta (San Ġiljan): Madonna Tal-Karmnu
- Balzan: Marija Annunzjata
- Birgu: San Lawrenz
- Birkirkara: Tal-Vitorja
- Birkirkara: Madonna Tal-Karmnu
- Birkirkara: San Ġużepp Ħaddiem
- Birkirkara: Sant' Elena
- Birżebbuġa: San Pietru fil-Ktajjen
- Bormla: Immakulata Kunċizzjoni
- Burmarrad (San Pawl il-Baħar): Qalb Bla Tebgħa Ta' Marija
- Dingli: Santa Marija
- Fgura: Madonna Tal-Karmnu
- Floriana: San Publiju
- Fontana: Qalb Imqaddsa Ta' Ġesù
- Gudja: Santa Marija
- Gżira: Madonna Tal-Karmnu
- Għajnsielem: Madonna Ta' Loreto
- Għarb: Iż-Żjara Tal-Verġni Marija
- Għargħur: San Bartilmew
- Għasri: Ġisem Imqaddes Ta' Ġesù
- Għaxaq: Santa Marija
- Ħamrun: Immakulata Kunċizzjoni
- Ħamrun: San Gejtanu Ta' Thiene
- Isla: Marija Bambina
- Kalkara: San Ġużepp
- Kerċem: Madonna Tas-Sokkors u San Girgor il-Kbir
- Kirkop: San Leonardu
- Lija: Trasfigurazzjoni Ta' Ġesù (Salvatur)
- Luqa: Sant' Andrija
- Manikata (Mellieħa): San Ġużepp
- Marsa: Marija Reġina
- Marsa: Trinità Qaddisa
- Marsalforn (Żebbuġ, Għawdex): San Pawl
- Marsaskala: Sant' Anna
- Marsaxlokk: Madonna Ta' Pompei
- Mdina: Kattidral Metropolitan Ta' San Pawl
- Mellieħa: Marija Bambina
- Mġarr: Santa Marija
- Mosta: Santa Marija
- Mqabba: Santa Marija
- Msida: San Ġużepp
- Mtarfa: Santa Luċija V.M.
- Munxar: San Pawl Nawfragu
- Nadur: San Pietru u San Pawl
- Naxxar: Marija Bambina
- Paola: Kristu Re
- Paola: Madonna Ta' Lourdes
- Pembroke: Kristu Rxoxt
- Pietà: Madonna Ta' Fatima
- Qala: San Ġużepp
- Qawra (San Pawl il-Baħar): San Franġisk t'Assisi
- Qormi: San Bastjan
- Qormi: San Ġorġ
- Qrendi: Santa Marija
- Rabat: San Pawl
- Safi: Konverzjoni Ta' San Pawl
- San Ġiljan: San Ġiljan
- San Ġwann: Madonna Ta' Lourdes
- San Lawrenz: San Lawrenz
- San Pawl il-Baħar: Marija Addolorata
- Sannat: Santa Margerita V.M.
- Santa Luċija: San Piju X
- Santa Venera: Santa Venera
- Siġġiewi: San Nikola Ta' Bari
- Sliema: Ġesù Nazzarenu
- Sliema: Sacro Cour
- Sliema: San Girgor
- Sliema: Stella Maris
- Swieqi: Immakulata Omm il-Knisja
- Ta' Pinu (Għarb): Madonna Ta' Pinu
- Ta' Xbiex: San Ġwann Tas-Salib
- Tarxien: Marija Annunzjata
- Valletta: San Pawl Nawfragu
- Valletta: Santu Wistin
- Valletta: Santa Marija Ta' Porto Salvo
- Victoria: Katidral Ta' Santa Marija
- Victoria: San Ġorġ
- Xagħra: Marija Bambina
- Xewkija: San Ġwann Battista
- Xlendi (Munxar): Madonna Tal-Karmnu
- Żabbar: Madonna Tal-Grazzja
- Żebbuġ (Malta): San Filep ta' Aggira
- Żebbuġ (Għawdex): Santa Marija
- Żejtun: Santa Katarina Ta' Lixandra V.M.
- Żurrieq: Santa Katarina Ta' Lixandra V.M.
