Deutsche Sprache

Us der alemannische Wikipedia, der freie Dialäkt-Enzyklopedy

D` deitsche Sproch (Deutsch) zählt zur Familie vo de indogermanische Sproche, spezifisch zu de weschtgermanische Sproche.

Inhaltsverzeichnis 1 Gschichdte 2 Dialäkt 3 Gramattik 3.1 Numerus 3.2 Genera 3.3 Deklination 3.4 Kasus 3.5 Tempusforma 3.5.1 Zeitachse der Gegenwart 3.5.2 Zeitachse der Vergangenheit 3.5.3 Anwendungsbereiche der Tempusformen 3.5.4 Bildung der Tempusformen 3.6 Modus 3.7 Genera verbi 4 Lueg au under

[ändere] Gschichdte

Di zweiti Luutverschiebig laat sich scho im früene Mittelalter, öppen ab em 6. Jh. in Personenäme naawiise. Eigentlichi Tüütschi Text sind aber eersch usem Hochmittelalter bekannt, di eltischte sind vilicht d'Merseburger Zaubersprüch, uufgschriben im 10. Jh., warschinlich stameds aber usem 8. Jh. Als Althochtüütsch bezeichnet me d'Sprach zwüsched öppen 800 und 1100. S'Hildebrandslied stammt usem 9. Jh. Usem Altnidertüütsche hämmer de Heliand uf Altsächsisch, au öppen usem 9. Jh. Us dere Ziit gits es alemannisches Vaterunser us Sanggale. Fulda isch en anders wichtigs Schrift-Zentrum gsii i dere Ziit. Us Fulda isch under anderem s'Abecedarium Nordmanicum, en Art tüütsches Runenalphabet.

S'Mittelhochtüütsche vo öppe 1100 bis 1350 isch dänn vil besser beleit. Ab 1350 bis öppe 1650 redt me dänn vo Früe-Neuhochtüütsch. Zmizt i die Periode fallt am Luther sini Bibel-Übersetzig, wo de Keim für die Neuhochtüütschi Standardspraach bildet. Luutlich hät sich im Früeneuhochtüütsche s'Mitteltüütsche vor allem dur Änderige im Vokalsystem vom Alemannische abtrännt (es isch vonere "Quantitätsschpraach" zunere "Akzentschpraach" worde, während s'Alemannische immer no Vokal-Quantitäte underscheided). Luutlich isch also s'Alemannische nööcher am Mittelhochtüütsche plibe, grammatisch aber s'Mitteltüütsche (s'Alemannische hät i de früene Neuziit Kategorie wie de Genitiv und s'Präteritum verloore).

[ändere] Dialäkt

Di hüttige tüütsche Dialäkt lönd sich grob in drüü Gruppen iiteile. S'Nidertüütsche im Norde isch a de zweite Luutverschiebig nöd beteiliged gsii und isch linguistisch nöd klar vom Holländische abgränzbar: D'Gruppierig vom Nidertüütsche als Tüütsch is linguistisch begründed. Anderschume chame s'Holländische und Flämische au zum Nidertüütsche zele. I dem Fall isch die zweiti Luutverschiebig en innertüütschi Aaglägehäit, und s'Tüütsche schtaat innerhalb vom Weschtgermanische em Anglo-Friesische (au "Ingvaeonisch" oder "Nordseegermanisch") gägenüber.

S'Mitteltüütsche isch vom Nidertüütsche dur d'Benrather Linie (maken/machen Isoglosse) abgränzt, und beinhalted Fränkisch, Berlinerisch, Ripuarisch und Schlesisch. S'Obertüütsche isch vom Mitteltüütsche dur d'Speyer Linie (Appel/Apfel Isoglosse) abgränzt, und beinhalted s'Austro-Bavarische (Bairisch in Bayern un in Österriich) und s'Alemannische.

Mittel- und Obertüütsch werded au underem Begriff Hochtüütsch zämegfasst. Dademit häd de Begriff zwei underschidlichi Bedüütige: Einersiits bezeichnet Hochtüütsch die geographisch hööcher glägne Dialäkt, wo a de zweite Luutverschiebig teilgnoo händ. Anderersiits bezeichnet Hochtüütsch aber au di Tüütschi Standardspraach, wo sich sitem 16. Jh. usepildet hät. D'Standardsprach ghöört sälber zu de Obertüütsche (Apfel) Sprache, isch aber urschprünglich es Gmisch us verschidene regionale Dialäkt usem Drüüegg Fränkisch/Schwäbisch/Nordbairisch (de Luther hät sini Bible im Ostfränkische Gebiet, in Thüringen, übersetzt und deet 'de Lüüt ufs Muul glueget').

[ändere] Gramattik

Dr Inhalt von de folgenden Abschnitt bezieht sich uff d' Schtandardsproch. Vieles do drvo trifft net uff d` Dialekt zu.

[ändere] Numerus

D' dütschi Sproch unterscheidet de Singular un de Plural in de Forme von de Subschtantiva, Adjektiva, Pronomina un Verba.

Bim Noma ka dr Plural durs Aahänge von am Suffix un/odr durch d' Variation von am Vokal (Umlaut) og'zeigt werra.

[ändere] Genera

´S Deitsche kennt drei Genera: ´S Maskulinum, ´s Femininum und ´s Neutrum

Subschtantivierte Adjektiva un Verba sen oigatlich emmer neutraal. Subschtantiva, wo mit de Silbe -keit und -heit endet, sen emmer Femina. D' Endsilb -chen lässt jedes Subschtantiv zum Neutrum werra; es isch komisch, dass sich des Gschlecht wo a Sach in echt hat un's grammatische Genus unterscheide kennat: z. B. das Mädchen.

[ändere] Deklination

Zum unterscheida sen vier Kasusforma: Nominativ, Genitiv, Dativ, Akkusativ. A poor Kasusendunga send in dr Sprochgschicht verlora ganga, so dass dr Artikel als an zusätzlicher Kasusanzeiger diene ka. Gut markiert send im Singular dr Genitiv, im Plural dr Dativ.

Singular

• Älle Feminina zeiget koi Veränderong, Maskulina un Neutra folget oim von de beide Type a odr b:
• a) Frau Frau Frau Frau
• b) Löwe Löwen Löwen Löwen
• c1) Geist Geistes Geist(e) Geist
• c2) Segel Segels Segel Segel

Plural

Grundregla (wo für ca. 70% von de Subschtantive):

• Maskuline un neutrale Subschtantive bildet de Plural mit -e "Dative", "Substantive"
• Feminina bildet de Plural mit -(e)n "Frauen"
• Eigenoma, Abkürzonga, viele Fremdwörter, Subschtantivieronga, Onomatopoetika bildet de Plural mit -s "LKWs", "Shirts"

Mündlich fällt s auslautenda Schwa ("e" gschriebe) oft weg: "Ampeln", "Hosen", "Nachbarn"

Zusatzregla:

• A poor Maskulina/Neutra bildet de Plural uff -(e)n "Bären"
• A poor Maskulina/Neutra bildet de Plural uff -(e)r (+ Umlaut) "Kinder, Männer"
• A poor Maskulina, 2 Neutra bildez de Plural uff -e + Umlaut "Söhne"
• A poor Feminina bildet de Plural uff -e (+ Umlaut) "Bänke"
• Maskulina/Neutra uff -el,-en,-er,-lein bleibet im Plural ohne Endong "Wagen", "Lehrer"

Fremd- und Fachwörter, wo aus am Lateinische oder Griechische stammet, bildet de Plural manchmal in d'Anlehnung an d'Ursprungssprache:

• Visum, Visa
• Virus, Viren
• Atlas, Atlanten

S gibt au Wörter wo zwei Pluralbildonga vorkommet, wobei d'Bedeutong von de beide Plurale sich unterscheidet:

• Wort, Worte, Wörter

• Für de Dativ als einzige im Plural speziell markierte Kasus gilt, dass d'Subschtantive uff -e odr -er un im Nominativ endungslose an -n hen: "den Männern", "den Löhnen".

[ändere] Kasus

Im Deitscha exischtieret vier grammatikalische Fäll:

• Nominativ (Frage: Wer oder was?) (Subjekt, Redegegenstand; Prädikativ) "Hans ist Bäcker"
• Genitiv (Frage: Wessen?) (attributiv, Objekt bei wenigen Verben) "Claudias Tasche"; "seiner gedenken"
• Dativ (Frage: Wem?) (von Handlung/Ereignis betroffene Personen oder Dinge) "jemandem vertrauen"
• Akkusativ (Frage: Wen oder was?) (Objekt, auf das eine Handlung zielt, das von einem Prozess erfasst wird) "ein Buch verschenken", "ein Programm abschießen"
• Der Vokativ (Anredefall) entspricht formal dem Nominativ "Kater, verzieh dich"

Dr Genitiv wird heitzdog durch Konschtruktiona mit Präposition un Dativ ersetzt.:

• die Freundin meines Vaters → die Freundin von meinem Vater
• Im Dialekt, z.B. im Schwäbisch: "meim Vadder sei Freindin"

• wegen des Regens → wegen dem Regen
• Im Dialekt, z.B. im Schwäbisch: "wegerm Räga"

[ändere] Tempusforma

'S Deitsche kennt folgende Zeite odr Tempusforme:

[ändere] Zeitachse der Gegenwart

• Präsens (zur Sprechzeit aktuell: Ich schreibe.) uff Schwäbisch: I schreib.
• Futur I (demnächst erst aktuell: Ich werde schreiben.) uff Schwäbisch: I schreib + Zeitangab
• Perfekt (jetzt vollzogen: Ich habe geschrieben.) uff Schwäbisch: I han gschrieba
• Futur II (erst zum genannten Zeitpunkt vollzogen: Ich werde morgen geschrieben haben.) uf Schwäbisch: Morga han I gschrieba
• Konjunktiv I (zur Distanzierung vom Wahrheitsgehalt einer Aussage: "Er sagt, sie schreibe das, aber er wisse nicht, ob das stimmt.") uff Schwäbisch: Der secht, dass se des schreibt, aber er weiß net obs stimmt.
• Konjunktiv II (Spekulationen: "Er sagt, er schriebe das, wenn er Zeit hätte.) uff Schwäbisch: Der secht, dass er des schreiba tät wenn'r zeit hätt
• Konjunktiv III (anstelle K I und K II: "Er sagte, sie/er würde das schreiben, aber/wenn ...") uff Schwäbisch: Der hat gsagt, dass er/sie des schreibe tät, abr ...")

[ändere] Zeitachse der Vergangenheit

• Präteritum (damals aktuell: Ich schrieb.) isch d' klassische Erzählvergangaheitsform. In Norddeutschland isch dr Gbrauch vom Präteritum au in dr Umgangssproch's normale. Do drgega wird en Süddeutschland, im Schwobaländle, Öschtrich, in dr Schwyz un in älle allemannische Dialekt mit dr Ausnohm von de Hilfs- und Modalverbe statt am Präteritum 's Perfekt verwendet, wo in Norddeutschland odr im Hochdeitscha 's Präteritum üblich wär.
• Plusquamperfekt (damals bereits vollzogen: Ich hatte geschrieben.) uff Schwäbisch: I han gschrieba ghet
• Konjunktiv I (zur Distanzierung vom Wahrheitsgehalt einer Aussage: "Er sagte, sie habe das geschrieben, aber er wisse nicht, ob das stimmt.") uff Schwäbisch: Der hat gsagt, dass se des gschrieba hat, aber au dass er net woiß obs stemmt.
• Konjunktiv II (Spekulationen: "Er sagte, er hätte das geschrieben, wenn er Zeit gehabt hätte.) uff Schwäbisch: Der hat gsagt, dass'r's gschrieba hätt, wenn'r Zeit ghabt het
• Konjunktiv III (anstelle K I und K II: "Er sagte, sie/er würde das geschrieben haben, aber/wenn ...") uff Schwäbisch: Der hat gsagt, dass sie/er des gschrieba hätt, abr/wenn...

[ändere] Anwendungsbereiche der Tempusformen

D' wichtigschte Form isch es Präsens. S kann als historisches Präsens Präteritum bzw. Perfekt ersetza (abr net in de Dialekt!) un steht vor ällem in dr Umgangssproch un in de Dialekte fürs Futur I. In denne Fäll stehet ergänzend Adverbiale vom Ortes odr von dr Zeit.

[ändere] Bildung der Tempusformen

D' Forma von de Vergangenheitstempora Plusquamperfekt un Perfekt werrat mit de Hilfsverbe haben odr sein un am Partizip II (odr Partizip Perfekt) bildet. S Präteritum verwendet de Stamm vom Infinitiv.

D' Futurforma werrat mim Verb werden bzw. (Futur II) werden un haben bzw. sein bildet.

Plusquamperfekt, Futur II und au Futur I werrat eher selta in dr gesprochena Sproch vrwendet, un in de Dialekte gar net, 's Alemannische kennt selle Tempora gar net. Manche Dialekte kennet do drfür 's Plusplusquamperfekt, wo's Hilfsverb selbscht im Perfekt isch. S Plattdeitsch kennt abr älle sechs Zeitforme, wobei d' Futurforma mit solla (uff Platt: süllen, sküllen oder schallen) gbildet werrat.

S Konjunktiv II bildt mer aus dr Präteritumform vom Verb, starke Verben kriegat an Umlaut (ich tue etwas - ich tat etwas - ich täte etwas, uff Schwäbisch: I mach was, I han was gmacht, I hätt was gmacht). S passiert abr au manchmal dass d' Präteritumform un d' Konjunktivformen identisch sen. (ich sage etwas - ich sagte etwas - ich sagte etwas, uff Schwäbisch: I sag ebbes, I han ebbes gsagt, I hätt ebbes gsagt). Hier verwendet mer meischtens de Konjunktiv III mit "würde" un am Infinitiv (ich würde sagen, uff Schwäbisch: I tät saga). Der Konjunktiv I leitet mer vom Infinitiv ab, der Wortstamm ändert sich net, spezielle Endunge kennzeichnet de Konjunktiv (er sieht etwas - er sehe etwas, uff Schwäbisch: er sieht was, er tät was seha). Dr Konjunktiv I isch in viele Fälle 's gleiche wie dr Indikativ. Deshalb bnutzt mer nâ de Konjunktiv II odr de Konjunktiv III (Indikativ: ich sehe - Konjunktiv I: ich sehe => Konjunktiv III: ich würde sehen).

[ändere] Modus

Im Deitscha gibts d' folgenda Modi:

• Indikativ (Wirklichkeitsform) "Paul kommt"
• Konjunktiv I (Redewiedergabe, im Wunschsatz: Distanzierung vom Wahrheitsgehalt einer Aussage) "Paul komme"
• Konjunktiv II (mögliche Welt (Irrealis): Spekulationen) "Wenn ich einmal reich wäre..."
• Konjunktiv III (ersetzt in der Umgangssprache und zunehmend auch in der Standardsprache den K I und K II) "Ich würde sagen, dass..."
• Imperativ (Befehlsform) "Schick einen Brief!"

[ändere] Genera verbi

Bsonders im formala Deitsch isch S Passiv wichtig. S wird aus am Hilfsverb werden un am Partizip Perfekt gmacht un dreht d' Perschpektiv vom Aktivsatz om. S 'Opfer', dr 'Betroffene' wird zom Ausgangspunkt, dr 'Täter' hat koi Subjektroll mehr un isch manchmal net benutzt. "Paula schlägt Egon - Egon wird (von Paula) geschlagen"

[ändere] Lueg au under

• Schwiizertüütsch
• Hauchdeutsch