Philosophie

Frae Wikipedia

Philosophie is a Greek wird for 'love o wit.' It can be uised ti mean monie things.

• A personal wey ti think aboot the warld, or a pairt o it.
• A set o conceits that gangs thegither, wrocht oot bi a bodie that haes studied weys o thinkin aboot the warld.
• The study o abstract conceits

Philosophie in this airticle means a group o conceits that haes been thocht on by academic philosophers (fowk that daes philosophie) for a lang time. Thir conceits haes come tae form a bodie o knawledge an quaistens that is unco lairge. There's monie different kynds o philosophie, some o them comin frae Europe, in parteecular (Auld) Greece, whaur as ithers comesfrae Asia or ither pairts o the warld.

Table o contents 1 Innin 1.1 Fields or Brainches o Philosophie 2 Is Philosophie uissfu? 3 Whit for dae fowk dae philosophie 4 Some philosophers 4.1 The first Greek philosophers 4.2 Later European Philosophers 4.3 Modren European an American Philosophers 4.4 Asian Philosophers (whiles cried Eastren Philosophers) 5 Fremmit airtins

[edit] Innin

Ae defineetion o Philosophie is that it is the study o human beins an the warld bi thinkin an speirin; anither defineetion is that it is the study o abstract conceits (that is the conceits theirsels). It isna a pairt o science sin it daesna observe or study the things an events in the warld (the scientific method) ti finnd oot whit wey it wirks. Insteid it ettles tae answer mony quaistens bi comin up wi realistic answers an speirin "whit for no?"

Philosophie is sib ti science an ti releigion an can compete wi thae twa in answerin some quaistens. Some fowk says that Philosophie lies atween science an releegion. Ither fowk says that it shoud be studied its lane. Maist Philosophers (fowk that studies philosophie) disna come up wi the same answers tae quaistens an it is aften thocht that, in contrast wi science or releegion, there's nae richt answers in philosophie, juist better anes.

Some important quaistens that philosophie speirs, amang ithers, is "Whit is guid an whit is bonny?", "Daes God exeest?", "Daes the warld aboot us exeest?", "Whit is a bodie?", and "Whit is Truith?".

[edit] Fields or Brainches o Philosophie

Philosophie can be sindert intil fields or brainches (that we coud cry disciplines or sorts) foondit on the kynds o quaistens that it speirs. Here is a fuller leet o quaistens sindert intil fields or brainches. Ae possible leet o answers ti thir quaistens can be cried a 'philosophie'. There's monie differrin 'philosophies' sin aa thae quaistens haes monie differrin answers.

In metapheisics :

Metapheisics is whiles sindert intil ontologie (the philosophie o reality an bein), the philosophie o mynd an the philosophie o releigion, houaniver thir sub-brainches is awfu seemlar.

Ontology:

• Whit is the warld that we see aboot us? (whit is reality?)
  • Is there mair tae the warld nor juist the things that we see or hear?
  • Whan naebodie sees a thing happen daes that mean that it didna happen?
  • Coud there be ither warlds? For exemplar coud there be a warld whaur Bill Clinton haedna won the 1992 US presidential election?
• Is there oniething byordinar aboot being Human or e'en aboot bein Alive at aa ?
  • Gin no, whit for dae some fowk think that there is ?
• Whit is space ? Whit is time ?

The philosophie o mynd:

• Whit is a mynd ?
• Whit is a body ?
• Whit is Consciousness ?
• Daes fowk mak chyces or are they fatit tae dae the ae thing ? (Daes fowk hae free will ?)

The philosophie o releigion:

• Daes fowk hae Sowels ?
• Is there a God ?

In epistemology

• Whit is knawledge ?
• Whit for can we ken oniething ?
• Whit is Science ?
• Whit is Truith

In ethics :

• Whit is Richt an Wrang, Guid an Ill ?
• Shoud fowk dae some things an no ithers ?
• Whit is Juistice ?

In Aesthetics :

• Whit is Beauty ?
• Is true things beautiful ?
• Is guid things beautiful ?
• Whit is Airt ?

In Logic :

• Whit daes the wirds we uise mean ?
• Whit for can we say things (conceits in parteecular) sae that they juist haes ae meanin ?
• Can aa conceits be expressed uisin wirds ?
• Whit is truith ?

[edit] Is Philosophie uissfu?

Daes philosophie dae onie guid? Fowk disna gree anent this. Some fowk thinks that philosophie hairms the Kirk or the State, as philosophie is a kin o free-thinkin an aften quaistens the beliefs that ithers hauds.

Ither fowk thinks that philosophie is juist ordinar rummle-gumption or politics. Philosophers believes that speirin philosophical quaistens is uissfu acause it brings wit an holps fowk ti lairn anent the warld an ilk ither. Some thinks politics is juist a competeition or argiement atween philosophies, that can end up wi fowk trying ti gar ilk ither tae dae things bi law an veeolence. This collogue haes been gaun on for thoosands o years - as haes collogues anent aa the quaistens abuin.

[edit] Whit for dae fowk dae philosophie

Some philosophers is full-time thinkers (cried academics), ithers is juist "hobby" thinkers, or approaches philosophie frae anither job, for exemplar a monk, an airtist or a scientist. Maist Philosophers wirks bi speirin quaistens an leukin for guid defineetions (meanins) o wirds for tae unnerstand whit a quaisten means. Some philosophers says the ae thing ye maun hae for tae answer a quaisten is ti finnd oot whit it means an that the ae thing that maks philosophical quaistens sic as thir abuin deifficult is that fowk disna raellie ken whit they mean (for exemplar Ludwig Wittgenstein).

Philosophers will aften uise exemplars frae rael life for ti mak a pynt forby, for exemplar they micht scrieve anent a rael or feectional chiel for ti shaw their conceit o a guid cheil or an ill ane.

Some philosophers graip for the semplest gate for tae answer a quaisten an says that thon is maist like ti be the richt answer. That is a process cried Occam's Razor. Ithers believes that complicate answers ti quaistens can be richt an aa.

For an exemplar o a philosophical kinch, leuk at the god paradox.

[edit] Some philosophers

[edit] The first Greek philosophers

• Pythagoras
• Socrates
• Plato
• Aristotle
• Epicurus

[edit] Later European Philosophers

• Saint Augustine
• Saint Thomas Aquinas
• Niccolo Machiavelli
• Thomas Hobbes
• René Descartes
• John Locke
• Benedict de Spinoza
• Gottfried Wilhelm Leibniz
• Bishop George Berkeley
• David Hume
• Immanuel Kant
• Mary Wollstonecraft
• John Stewart Mill
• Karl Marx
• Friedrich Nietszche

[edit] Modren European an American Philosophers

• Bertrand Russel
• Ludwig Wittgenstein
• Jean-Paul Sartre
• Simone de Beauvoir
• Ayn Rand
• Karl Popper
• Willard Van Orman Quine

[edit] Asian Philosophers (whiles cried Eastren Philosophers)

• Confucius
• Lao Tzu
• Siddhārta Gautama (The Gautama Buddha)

[edit] Fremmit airtins

• Introduction ti Philosophie (in Inglis)