Lungsod ng Mandaluyong

Mula sa Tagalog Wikipedia, ang malayang ensiklopedya.

**Lungsod ng Mandaluyong**

Lokasyon
Mapa ng Kalakhang Maynila na nagpapakita ang lokasyon ng Mandaluyong
Pamahalaan
Rehiyon	Kalakhang Maynila (Pambansang Punong Rehiyon)
Lalawigan	—
Distrito	Nag-iisang Distrito ng Mandaluyong
Mga barangay	27
Kaurian ng kita:	Unang klase; urbanisado
Alkalde	Neptali "Boyet" Gonzales II
Pagkatatag	1841
Naging lungsod	Pebrero 9, 1994
Opisyal na websayt	www.mandaluyong.gov.ph
Mga pisikal na katangian
Lawak	11.26 km²
Populasyon Kabuuan (2000) Densidad	278,474 24,731/km²
Mga coordinate	14°37'N 121°2'E

Ang Mandaluyong ay isa sa mga lungsod at munisipalidad na bumubuo sa Kalakhang Maynila sa Pilipinas. Pinalilibutan ito ng kabisera ng bansa, ang Maynila, sa kanluran, ng bayan ng San Juan sa hilaga, ng Lungsod Quezon at Lungsod Pasig sa silangan, at ng Lungsod Makati sa timog. Sa ngayon, ito malawakang itinuturing bilang "Tiger City of the Philippines" (Tigreng Lungsod ng Pilipinas), "Metro Manila's Heart" (Puso ng Kalakhang Manila), at ang "Shopping Mall Capital of the Philippines" (Kabisera ng mga Shopping Mall ng Pilipinas).

Matatagpuan ang Lungsod Mandaluyong sa pinakasentro ng Kalakhang Maynila. Kabilang sa maraming atraksyon ng lungsod ang kanlurang hati ng Ortigas Center, isa sa mga pangunahing sentro ng negosyo at komersyo sa kalungsuran (nasa Lungsod Pasig ang silangang hati). Matatagpuan sa bahaging Mandaluyong ng Ortigas Center ang pangunahing punong-tanggapan ng Asian Development Bank at ng punong tanggapan ng San Miguel Corporation, ang pinakamalaking korporasyon ng bansa. Matatagpuan dito ang SM Megamall, isa sa pinakamalaking shopping mall sa Asya at ang pangunahing mall ng pinakamalaking shopping mall chain sa bansa, pati na rin ang Shangri-la Plaza Mall at Star Mall. Sa silangan ng Ortigas Center matatagpuan ang Wack-Wack Golf and Country Club, sa hilaga nito matatagpuan ang La Salle Greenhills (LSGH), isang tanyag na mataas na paaralang panlalaki. Ang estasyong Shaw Boulevard ng MRT na itinuturing ding isa ring mall, maliban na pagiging estayson, ay nagdurugtong ng tatlo pang mga mall (Star Mall, Shangri-La Plaza, at ang EDSA Central).

Sa mga nakatira dito, ang Lungsod ng Mandaluyong ay laging ginagamit sa mga biro tungkol sa pag-iisip ng isang tao (halimbawa: ang isang tao na may kahinahinalang katayuan ng pag-iisip ay mula sa Mandaluyong). Ito ay marahil ang National Center for Mental Health (Pambansang Senter ng Kalusugan ng Pag-iisip) ay matatagpuan sa lungsod. Matatagpuan din sa Mandaluyong ang "Welfareville", isang malaking squatter's area.

[baguhin] Kasaysayan

Nagmula ang pangalan ng Lungsod ng Mandaluyong sa Tagalog mga daluy. Ito ay batay sa maraming matatagkad na damo na dating tumutubo dito, ang mga damo ay parang dumadaloy sa hangin.

[baguhin] Mga baranggay

Mandaluyong City

Ang Mandaluyong ay nahahati sa 27 na baranggay.

Addition Hills
Bagong Silang
Barangka Drive
Barangka Ibaba
Barangka Ilaya
Barangka Itaas
Burol
Buayang Bato
Daang Bakal
Hagdang Bato Itaas
Hagdang Bato Libis
Harapin Ang Bukas
Highway Hills
Hulo

Mabini-J. Rizal
Malamig
Mauway
Namayan
New Zañiga
Old Zañiga
Pag-asa
Plainview
Pleasant Hills
Poblacion
San Jose
Vergara
Wack-wack Greenhills

[baguhin] Mga lingk palabas

Mga lungsod at Bayan ng Kalakhang Maynila
Mga lungsod:	Caloocan \| Las Piñas \| Makati \| Malabon \| Mandaluyong \| Maynila \| Marikina \| Muntinlupa \| Parañaque \| Pasay \| Pasig \| Lungsod Quezon \| Taguig \| Valenzuela
Mga munisipalidad:	Navotas \| Pateros \| San Juan