Leif Hoste
From Wikipedia
Leif Hoste (Kortryk, 17 juli 1977) is e Belgischn coureur die nu in Maldegem wunt, mor upegroeid is in Boaviekove.
Hoste is setoe ekend lyk e goein tydryder (en is ol Belgisch kampioen, by de profs en by de jeugd), mor e kud oek goed mei in de mêeste vôorjoarsklassiekers. En is by d'echte toppers ereeknd sedert ze twidde plekke in de Roende van Vloandern va 2004 (achter 'n Duuts Steffen Wesemann).
Inoud |
[bewerk'n] Profploeg'n
- Vloandern 2002-Eddy Merckx (1998)
- Mapei-Quick Step (1999-2000)
- Domo-Farm Frites (2001-2002)
- Lotto-Domo (2003-2004)
- Discovery Channel (2005-2006)
- Predictor-Lotto (2007-...)
[bewerk'n] Palmares
Echte grôte overwinniengn et Hoste nog nie oald, mor en is egliek ol eki Belgisch Kampioen tydryn ewist en 'n et ol de Driedoagse van De Panne ewonn.
En is vodder ol 3 kirs 'n twin ewist in de Roende van Vloandern (2004, 2006 en 2007) en en et ol dichte endigt in koersn lyk Kuurne-Brussel-Kuurne en E3 Prys van Oarelbeke.
[bewerk'n] Incident'n
- In 2004 et 'n vele zoagieng ekreegn omdat 'n Dave Bruylandts gon oaln et in de latste kilomeiters van de Roende van Vloandern en ezo Wesemann in e zetel no de mete brochte.
- De weke derachter rêedn stief goed in Paris-Roubaix, mor e rochte achter deurdatter e Vlamsche vlagge in ze wiel droei. En endigde toene ogliek nog 'n twoofsn.
- Beisn Paris-Roubaix van 2006 et 'n twin endigt, mor en is uut 'n uutslag enoomn omdat 'n tope me Peter Van Petegem en Wladimir Gusev (d'êeste achtervolgers up Fabian Cancellara, die ewonn et) deur e traveir ereen is die toe wos voen e goederntring. Oloewel dat die diskwalifikoasche voe bikan iederêen onrechtveirdig wos, zyn ze ogliek uut 'n uutslag oalt.
