他信
出自維基百科，自由嘅百科全書
他信（泰語：ทักษิณ ชินวัตร； 全名譯名:他信·先阿哇察；中文名：丘達新，1949年7月26日—），出生喺泰國北部清邁府，第四代泰國華裔，係前任泰國總理。
目錄 |
[編輯] 生平
1949年7月26日，他信出生喺泰國清邁府嘅一個華人家庭，佢嘅父母都係祖籍中國廣東梅州嘅客家人。
他信喺1994年開始從政，做過泰國外交部長、內閣副總理、正義力量黨黨首等職位。1998年7月14日，他信創建泰愛泰黨，最後做埋黨主席。喺2001年2月成為泰國第23位總理。佢仲係泰國首位成功連任嘅總理。
2006年2月24日，他信突然宣布解散國會下議院，提前舉行選舉。[1]
4月4日，他信晚間正式宣布，為咗恢復國家嘅團結，佢將唔再出任下屆政府嘅總理。佢解釋，做出如此決定嘅主要原因係泰國正在慶賀泰皇登基六十周年。[2]
[編輯] 祖籍同尋根之旅
他信嘅父母分别來自中國廣東省梅州市嘅豐順縣同梅縣，他信因而承繼咗百分之百嘅客家血統。他信亦有客家認同，因此，按照客家人嘅確認方式，他信可以算係一位東南亞客家人，而唔單只係客家後裔。
另外，由於喺他信祖輩離開廣東嘅時候，豐順仲係畀潮州管嘅，所以他信祖籍亦係潮州，為潮人第四代後裔。
2005年初，他信帶埋屋企人訪問中國廣東省大埔縣，展開尋根之旅；2005年7月，他信以泰國總理嘅身份，訪問廣東梅州同潮州。
[編輯] 政績
- 將泰國帶出左亞洲金融危機。
- 鐵腕禁毒（泰國嘅毒品產量曾居世界第二）。
- 對泰國南部嘅穆斯林武裝分離運動進行嚴厲嘅軍事鎮壓。
