馬來長吻鱷
出自維基百科，自由嘅百科全書
 |
||||||||||||||
|---|---|---|---|---|---|---|---|---|---|---|---|---|---|---|
 |
||||||||||||||
|
|
||||||||||||||
 瀕危 (EN) |
||||||||||||||
| 物種分類 | ||||||||||||||
|
||||||||||||||
|
|
||||||||||||||
| Tomistoma schlegelii (Müller, 1838) |
馬來長吻鱷又叫馬來鱷，馬來假食魚鱷，係東南亞最瀕危嘅一種鱷魚。
目錄 |
[編輯] 瀕危等級
馬來長吻鱷加入 CITES 附錄1 同 1996年 IUCN 紅皮書目錄裏面，因數據唔夠，暫且定為極危種或瀕危種，唔可以作商業買賣。
[編輯] 形態特點
形似恆河鱷，但馬來長吻鱷個頭會逐漸向口鼻收窄，而且冇食魚鱷雄性嘴尾尾嘅個球狀突起。身體為橄欖綠色，背脊有模糊嘅黑色橫條紋；腳強而有力，有助於游水，雙眼就有黃啡色嘅虹膜，依點喺鱷魚中相當少見。
[編輯] 分布
分布喺泰國北部、馬來西亞、印度尼西亞。有報導話，喺 Sulawesi 同越南亦有馬來鱷喺度，但係未經進一步證實嘅。
雖然佢嘅殘骸骨頭曾經喺珠江河口一帶畀人發現，但喺香港搵到嘅相似骨骼碎片，但係唔能夠好確實咁話係馬來鱷嘅 。不過，佢哋可能就古文講響廣東一帶出現嘅鱷魚。
[編輯] 生物學
馬來鱷主要棲息喺森林泥炭沼澤地。馬來鱷具細長而窄嘅嘴，適合捕魚，但係分析佢哋胃裏面嘅嘢，發現牠佢哋食得好雜，唔會凈係食一種魚。馬來鱷嘅胃裏面發現有食蟹猴 、小鼷鹿 、野豬 、狗 、雀仔 、水巨蜥、蛇 、蝦等，仲有石子同露兜樹嘅樹葉，有兩個 cases 仲發現有好多寄生線蟲！
[編輯] 繁殖
鱷魚乸生到 2.5 - 3 米長嗰時就係「性成熟」，每年旱季 6 - 8 月就係築巢嘅時間。一般鱷魚巢都係起係大樹低嘅「泥炭丘」之上，泥炭丘係由死咗嘅植物咁嘅有機物沉積響樹根而形成，用葉、樹枝、碎木嚟築巢嘅，巢嘅形狀似個「小丘」，同其他鱷魚唔同，馬來長吻鱷唔會用用雜草。鱷魚巢直徑有 1.2 - 1.4 米，高約 0.6 米。蛋生喺蛋窩裏面，每窩有 15 - 60 隻蛋，蛋比較大。
[編輯] 分類
對於馬來鱷嘅系統同分類，專家睇法唔一致。根據形態學嘅證據，傳統方法將馬來鱷歸類為真鱷科或者亞科。
[編輯] 種群動態及保護
馬來鱷對生境嘅要求幾特別，要有特定嘅漂浮植物叢同成蔭嘅水邊棲息地，一段時間嘅森林伐木、修築水壩、開闢新水道、非法捕獵，已經使佢嘅棲息地方大量咁消失。
香港濕地公園現時飼養咗四條馬來鱷。佢哋都住響公園展覽館裏面嘅「濕地世界」。
[編輯] 資料來源
- 《香港生態情報》
- 《中國重點保護野生動物研究叢書：揚子鱷研究》
- 《兩生爬行類圖鑑》
